Pravčická brána

Vu Wikipedia
Wiesselen op: Navigatioun, sichen
Geographesch Koordinaten: Gnome-globe.svg 50° 53’ 1.59’’ N 14° 16’ 53.46’’ E
Vue op d'Pravčická brána
D'Paart am Hierscht

D' Pravčická brána (de: Prebischtor) ass eng natierlech Bréck aus Sandsteen an der Béimescher Schwäiz, op der tschechescher Säit vum Naturpark Béimesch-Sächsesch Schwäiz.

Si ass als Naturmonument klasséiert an déi gréisst vun hirer Zort an Europa. Si huet eng Spanwäit vu 26,5 m, ass 16 m héich, 8 m breet an de Bou huet eng Stäerkt vun 3 m.

1826 gouf niewendrun e Wiertshaus opgeriicht. 1881 huet de Fürst Edmund von Clary-Aldringen sech do den Hotel "Falkennest" (tschechesch: Sokolí hnízdo) mat 50 Better opriichte gelooss.

Bis 1982 konnt een iwwer d'Bréck goen; wéinst der staarker Erosioun duerch d'Getrëppels ass dat awer zanterhier net méi méiglech. Den Terrain vun der Pravčická brána ass, zesumme mam Hotel a Privatbesëtz, et muss een Entrée bezuelen, fir dohin ze kommen.

Vu Hřensko aus féiert e Wanderwee dohinner.

Trivia[änneren | Quelltext änneren]

E puer Landschaftsopname vum Film The Chronicles of Narnia: The Lion, the Witch and the Wardrobe (2005) goufen do gedréint. Am Film goufen d'Schauspiller an d'Szeen duerch CGI akopéiert, wéi wann s'iwwer d'Paart géifen trëppelen.

Kuckt och[änneren | Quelltext änneren]

Um Spaweck[änneren | Quelltext änneren]

Commons: Pravčická brána – Biller, Videoen oder Audiodateien