Robert Lebeck

Robert Lebeck
Gebuer	21. Mäerz 1929 Berlin
Gestuerwen	14. Juni 2014 Berlin
Nationalitéit	Däitschland, Westdäitschland
Aktivitéit	Fotograf, Fotoreporter

De Robert Lebeck, gebuer den 21. Mäerz 1929 zu Berlin an och do de 14. Juni 2014 gestuerwen, war en däitsche Fotojournalist an e bedeitende Sammler ë. a. vu Fotoen aus dem 19. Jahrhonnert a vun Zäitschrëften aus den Ufanksjore vum Fotojournalismus.

Hien huet zu Zürich an zu New York Ethnologie studéiert, a koum sou a Kontakt mam Bildjournalismus vu Magazinner wéi Life a Look. Fotografe wéi den Alfred Eisenstaedt, David Douglas Duncan a W. Eugene Smith goufe säi Virbild.

Hien huet sech d'Fotografie selwer bäibruehct an zanter 1952 als Fotoreporter geschafft, fir d'éischt fir Zeitunge vun Heidelberg, duerno fir Illustréiert wéi Revue, Kristall (1960–1966) a Stern (1966–1977). Vun 1977 bis 1978 war hie mam Klaus Harpprecht Chefredakter vum Magazin Geo. Vun 1979 un huet hien nees fir de Stern geschafft.

Déi éischt Joren huet hie Reportagen aus Däitschland gemaach, vun den 1960er un awer ëmmer méi aus dem Ausland. Bekannt gouf en duerch eng Foto bei den Onofhängegkeetsfeiere vum Kongo, déi wiest, wou e jonke Kongloees dem belsche Kinnek Baudouin säin Deege geklaut hat. Nieft Reesreportagen huet hie vill Portraite gemaach, sou war hien 2 Joer laang mam Willy Brandt ënnerwee, an huet eng ganz Rëtsch Schrëftsteller, Këschtler, Schauspiller a Museker portraitéiert.

Seng Sammlung vu Fotografien aus dem 19. Joerhonnert ass am Museum Ludwig zu Köln ausgestallt.

Fotobicher

• Afrika im Jahre Null, Hammerich & Lesser, Berlin 1961.
• Augenzeuge, Texte von Heinrich Jaenecke und Henri Nannen, Bucher, München/Luzern 1984, ISBN 9783765804465.
• Romy Schneider. Letzte Bilder eines Mythos, Edition Stemmle, Schaffhausen 1986, ISBN 3-7231-0354-5.
• Begegnungen mit Großen der Zeit, Edition Stemmle, Schaffhausen 1987, ISBN 978-3-72310-362-3.
• Fotoreportagen, Hatje Cantz, Ostfildern 1994, ISBN 978-3-89322-541-5.
• Vis à Vis, Steidl, Göttingen 1999, ISBN 978-3-88243-649-5.
• Unverschämtes Glück, Steidl, Göttingen 2004, ISBN 978-3-88243-980-9.
• Neugierig auf Welt. Erinnerungen eines Fotoreporters, Autobiografie, zusammen mit Harald Willenbrock, Steidl, Göttingen 2004, ISBN 978-3-86521-184-2.
• Tokio – Moskau – Leopoldville, Steidl, Göttingen 2007, ISBN 978-3-86521-527-7.
• Gisela Kayser und Cordula Lebeck (Hrsg.): Robert Lebeck. Fotografien 1955–2005, Steidl, Göttingen 2008, 240 S., ISBN 978-3-86521-873-5, Ausstellungskatalog.
• Abiku, Photographien zu Gedichten von Wole Soyinka. MVerlag Thomas Reche, Neumarkt 2012, ISBN 978-3-929566-89-5, (mit Barbara Klemm).

Sekundärliteratur

• Jörn Glasenapp: Die deutsche Nachkriegsfotografie. Eine Mentalitätsgeschichte in Bildern. Wilhelm Fink Verlag, Paderborn 2008, ISBN 978-3-7705-4617-6, S. 13–22.
• Robert Lebeck. Neugierig auf Welt. Schwarz-Weiss-Ikonen einer Fotolegende, in: Highlights-Magazin, Heft 3/2008, Nürnberg 2008, S. 46–52.

Um Spaweck

Commons: Robert Lebeck – Biller, Videoen oder Audiodateien

• Internetsite vum Robert Lebeck