São Vicente (Cap Vert)

Vu Wikipedia
Op d'Navigatioun wiesselen Op d'Siche wiesselen
Geographesch Koordinaten:
São Vicente (rout) mat den anere kapverdeschen Inselen
Vue op Mindelo, mat der Baía do Porto Grande an dem Monte Cara

São Vicente (Ilha de São Vicente - "Insel vum Hellege Vinzenz") ass eng 227 km² grouss Insel am Atlanteschen Ozean, déi zu der nërdlecher Inselgrupp Ilhas de Barlavento ("Inselen iwwer dem Wand") vum Cap Vert gehéiert. Si läit tëscht den Insele Santo Antão a Santa Luzia, ronn 640 Kilometer westlech vun der Côte vun Afrika. D'Hafestad Mindelo dominiéert d'Insel, soss ginn et just nach zwou klneg Uertschaften an e puer Week-end-Haisercher.

Geschicht[änneren | Quelltext änneren]

São Vicente gouf den 22. Januar 1462 entdeckt, dem Dag vum Vinzenz von Valencia. Well et esou gutt wéi kee Waasser gëtt, gouf d'insel bis an d'19. Jorhonnert kaum bewunnt an haaptsächlech vu Leit vun der Nopeschinsel Santo Antão benotzt, fir do hiert Véi op d'Weed ze loossen.

An den 1850er Joren huet sech dat schëtzeg geännert, wéi Dampschëffer opkomm sinn, an an der Hafestad Mindelo grouss Kuel-Lagere gebaut goufen. An den 1880er Jore gouf d'Insel eng wichtgeg Relais-Statioun fir britesch Telegraphegesellschaften. Sou gouf Mindelo, déi zweetgréisst Stad vum Land, en nationalen ekonomeschen a kulturellen Zentrum.

Déi prominent Sängerin Cesária Évora kënnt och vun do; de Fluchhafe vun der Insel gouf no hirem Doud no hir genannt.

Um Spaweck[änneren | Quelltext änneren]

Commons: São Vicente (Cape Verde) – Biller, Videoen oder Audiodateien