Saint-Émilion (Wäin)

De roude Wäi vu Saint-Emilion huet eng eegen Appelatioun déi och e puer Nopeschgemengen aschléisst. Zesumme mat dem Pomerol bilt Saint-Emilion d'Kärgebitt vum sougenannten rietsen Ufer (Gironde resp. Dordogne), no der Stad Libourne och Libournais genannt. D'Médoc-Hallefinsel an d'Regioun Graves gëtt als lénkst Ufer bezeechent.
Nieft deenen zwou genannten Appelatioune gehéieren och déi sougenannt Satellitten-Appelatioune Lalande-de-Pomerol, Montagne-Saint-Emilion, Puisseguin-Saint-Emilion, Lussac-Saint-Emilion, Saint-Georges-Saint-Emilion, Fronsac a Canon-Fronsac zum Libournais.
Wéi um rietsen Ufer üblech, dominéieren och an de Cuvéeë vu Saint-Emilion d'Riefzort Merlot. Eenzeg a puer Châteauen um Plateau ob der Grenz zu Pomerol, z. B. Château Figeac a Château Cheval Blanc, huelen zum gréissten Deel Cabernet-Sauvignon resp. Cabernet Franc.

Appelatioune vu Saint-Emilion

Als eppes Besonnesches gëtt et zu Saint-Emilion zwou Appelatiounen. Saint-Emilion a Saint-Emilion Grand Cru. Fir déi leschtgenannte mussen d'Wäiner enger zweeter Qualitéitspréiwung ënnerzu ginn ier se an d'Fläsche gefëllt ginn. Allerdéngs geet d'Tendenz kloer an d'Richtung vun der Produktioun vu Grand Crus.
Am problematesche Joer 2002 sinn 134.850 hl Wäin als Grand Cru an nëmmen nach 82.750 hl als Saint-Emilion deklaréiert ginn. 1990 war d'Relatioun mat 156.600 hl Grand Cru zu 137.200 hl Saint-Emilion nach méi ausgeglach, obwuel de Joergang qualitativ ganz héich agestuuft war.

Klassement

Am Klassement vu Bordeaux-Wäiner vun 1885 war de Saint-Émilion net dobäi. Dofir huet de Wäisyndicat vu Saint-Émilion decidéiert een eegent Klassement opzestellen. Déi bescht Grands Crus genéissen e besonnesche Status als klassifizéiert Gewächser, woubäi een normalerweis tëscht engem Grand Cru Classé an engem Premier Grand Cru Classé ënnerscheet. D'Klassifikatioun gëtt ongeféier all 10 Joer iwwerschafft. An de Joren mat enger 4 um Schluss gëtt d'Positionéierung vun de Wéngerte festgeluecht, déi da meeschtens an de Joren mat enger 6 eréischt wierksam ginn. Déi lescht Klassifikatioun ass 2006 gewiescht. Déi virdru waren 1954 als éischt, duerno 1969, 1985 a 1996. D'Wéngerte solle sech doduerch d'Klassifikatioun och verdéngen.
Am Géigesaz zum Médoc ass d'Klassifikatioun och un d'Lag gebonnen. Sou gouf dem Château Beau-Séjour Bécot de Premier-Status 1986 fir zéng Joer entzunn, nodeem d'Wéngerten erweidert goufen.
Déi bedeitendst Châteaue si Châteaux Ausone a Cheval Blanc, béid als Premier Cru Classé A klassifizéiert. Donieft gëtt et nach eelef Premier Grand Cru Classés B a 55 Grand Cru Classés. Déi aktuell Klassifizéierung ass:

Premier grands crus classés A

Premier grands crus classés B

Grands Crus Classés

Château l'Arrosée
Château Balestard La Tonnelle
Château Bellevue
Château Bergat
Château Berliquet
Château Cadet-Bon
Château Cadet-Piola
Château Canon-La Gaffelière
Château Cap de Mourlin
Château Chauvin
Clos des Jacobins
Clos de L'Oratoire
Clos Saint-Martin
Château La Clotte
Château La Clusière
Château Corbin
Château Corbin-Michotte
Château La Couspaude
Couvent des Jacobins

Château Curé Bon La Madeleine
Château Dassault
Château La Dominique
Château Faurie de Souchard
Château Fonplégade
Château Fonroque
Château Franc-Mayne
Château Grand Mayne
Château Grand-Pontet
Château Les Grandes Murailles
Château Guadet Saint-Julien
Château Haut-Corbin
Château Haut-Sarpe
Château Laniote
Château Larcis-Ducasse
Château Larmande
Château Laroque
Château Laroze
Château La Marzelle

Château Matras
Château Moulin du Cadet
Château Pavie-Decesse
Château Pavie-Macquin
Château Petit-Faurie-de-Soutard
Château Le Prieuré
Château Ripeau
Château Saint-Georges Côte Pavie
Château La Serre
Château Soutard
Château Tertre Daugay
Château La Tour du Pin-Figeac (Giraud-Belivier)
Château La Tour du Pin-Figeac (Moueix)
Château La Tour-Figeac
Château Troplong-Mondot
Château Villemaurine
Château Yon-Figeac

Kuckt och

Stad Saint-Émilion