Space Systems/Loral
| Space Systems/Loral | |
|---|---|
 | |
| Kategorie | Entreprise / Duechtergesellschaft |
| Grënnung | 1957 |
| Sëtz | Richmond,  Kanada(Haaptsëtz MDA) Palo Alto,  USA
|
| Direkter | John Celli |
| Mataarbechter | 2.900 |
| Ëmsaz | 630 Mio. $ (2007)[1] |
| Fachgebitt | Raumfaart |
| Homepage | sslmda.com |
Space Systems/Loral (SSL) ass eng kanadesch/US-amerikanesch Entreprise, déi Satellitten a Raumfaartsystemer fir Regierungsdepartementer an zivil Cliente produzéiert. Zanter 1960 huet d'Entreprise méi wéi 270 Satellitte gebaut.[2] SSL ass eng Duechtergesellschaft vun der kanadescher Elektro-, Loft a Raumfaartentreprise MacDonald Dettwiler and Associates (MDA).
Geschicht
[änneren | Quelltext änneren]D'Entreprise gouf 1957 an der San Francisco Bay Area als Western Development Laboratories (WDL), eng Duechtergesellschaft vun der Philco Corporation, gegrënnt. Schonn 1960 huet Philco-WDL, fir d'US-Air Force, de Kommunikatiounssatellit Courier 1B gebaut, den éischten aktive Relaissatellit vun der Welt.
D'Entreprise gouf 1961 vum Automobilkonzern Ford iwwerholl an 1966 a Philco-Ford ëmgenannt. Am selwechte Joer huet Philco-Ford mam Initial Defence Communication Satellite Program ugefaangen a bis 1968 an deem Program am Ganze 26 Satellitte gebaut.
1971 huet Philco-Ford den éischten NATO-1-Satellit gebaut, deen eng Kommunikatiounsverbindung tëscht dem NATO-Haaptquartéier zu Bréissel, a weidere Zentre vun den NATO-Alliéierte gemaach huet.
An de follgende Joren gouf d'Entreprise méi dacks ëmgenannt (Aeronutronic Ford a spéider Ford Aerospace), bis d'Raumfaartdepartement vu Ford 1990 un d'Loral Space & Communications verkaf gouf an domat den haitegen Numm Space Systems/Loral krut. Tëscht 1994 an 2001 huet Loral fënnef geostationär Wiedersatellitte fir d'NASA gebaut an 2000 mat der Ausliwwerung vum éischte Radio-Satellit ugefaangen. 2005 huet d'Entreprise den Thaicom-4-Kommunikatiounssatellit gebaut.
Clienten
[änneren | Quelltext änneren]Zu de Cliente gehéieren ë. a.: AsiaSat, DirecTV, EchoStar, Globalstar, Hispasat, Hughes Network Systems, ICO Global Communications, Intelsat, Japan MTSAT, JSC Gascom, Telesat Canada, NASA/NOAA (GOES), Optus, PanAmSat, QuetzSat, SatMex, SES S.A., SES New Skies, Shin Satellite, Sirius Satellite Radio, SpainSat, ViaSat, WildBlue an XM Satellite Radio.
Kuckt och
[änneren | Quelltext änneren]
Um Spaweck
[änneren | Quelltext änneren]Referenzen
[Quelltext änneren]- ↑ Loral Space & Communications Inc. (Hrsg.): Loral Reports 2007 Operating Results. Stand: 1. Abrëll 2008. URL: https://web.archive.org/web/20160602182146/http://investor.loral.com/downloads.cfm (gekuckt den 12. September 2008)
- ↑ Space Systems/Loral (Hrsg.): Overview. http://www.ssloral.com/html/aboutssl/overview.html (gekuckt den 19. Januar 2011)