Temperaturgradient

Vu Wikipedia
Op d'Navigatioun wiesselen Op d'Siche wiesselen

Den Temperaturgradient ass eng geriichte physikalesch Gréisst (e Vektor), deen am Sënn vun engem mathematesche Gradient u jiddfer Punkt vun engem Temperaturfeld beschreiwt, a wéi enger Richtung d'Temperatur do am stäerksten klëmmt an wéi staark. Déi international benotzten Eenheet (SI-Eenheet) senges Betrag ass Kelvin pro Meter (K/m). Den Temperaturgradient dreift d'Wärmeleedung a kann Stréimungen verursaachen (kuckt Bénard-Experiment, Küppers-Lortz-Instabilitéit). Hie spillt bei der Thermophorese an der Thermoosmose eng wichteg Roll an ass eng vun den Ursaachen fir d'Korrosioun.

An der Meteorologie an an der Geologie ass virun allem d'Vertikalkomponent vum Temperaturgradienten vun Interessi, also d'Verännerung vun der Temperatur mam Ofstand vun der Äerduewerfläch. Dës Vertikalkomponent vum Temperaturgradienten hescht an der Äerdatmosphär atmosphärescher Temperaturgradient an an der Äerdkuuscht geothermesch Déiftestuf.