Quelltext vun der Säit Tuvalu weisen

{{Infobox Land
| Numm = Tuvalu
| Fändel = Flag of Tuvalu.svg
| Fändel Bildbreet = 150px
| Fändel Artikel = Fändel vun Tuvalu
| Wopen = Coat of arms of Tuvalu.svg
| Wope Breet = 100px
| Wopen Artikel = Wope vun Tuvalu
| National Devise =
| Kaart = 
| Kaart Breet =
| Offiziell Sprooch = [[Tuvaluesch]], [[Englesch]]
| Haaptstad = Atoll vu [[Funafuti]]
| Haaptstad Awunner = 
| Haaptstad Koordinaten =
| Staatsform = [[Konstitutionell Monarchie]] 
| Landeschef Titel = Kinnek
| Landeschef = [[Charles III. vum Vereenegte Kinnekräich]]
| Regierungschef Titel = Premierminister
| Regierungschef = [[Feleti Teo]]
| Total Fläch = 26
| Fläch Plaz = 
| Waasserfläch = 
| Bevëlkerung = 11.900 {{small|2021}}
| Bevëlkerung Plaz = 194
| Bevëlkerungsdicht = 475,88
| Onofhängegkeet = [[1. Oktober]] [[1978]] {{small|(vu [[Groussbritannien]])}}
| Nationalfeierdag = 
| Nationalhymn = ''Tuvalu mo te Atua''
| Wärung = Tuvalueschen Dollar<br>Australeschen Dollar
| Zäitzon = +12
| Internet TLD = [[.tv]]
| Telefonsprefix = +688
| Notizen = 
| Extra Bild = 
| Extra Bild2 = 
}}
'''Tuvalu''' ass e polyneseschen [[Inselstaat]] am [[Pazifik]]. E läit ongeféier an der Mëtt tëscht [[Hawaii]] an [[Australien]] a besteet aus dräi [[Riff]]er a sechs richtegen [[Atoll]]er. D'Land hat 2021 11.900 Awunner, op enger Landfläch vu 26 Quadratkilometer.

== Geschicht ==
Déi éischt Awunner op Tuvalu ware Polynesier. Et gëtt ugeholl, datt se vu [[Samoa]] an [[Tonga]] op den tuvaluaneschen Atoll koumen an Tuvalu eng Tëschenetapp fir eng weider Migratioun a [[Melanesien]] an a [[Mikronesien]] war.

1568 ass de spuenesche Séifuerer [[Álvaro de Mendaña]] als éischten Europäer duerch d'Archipel geseegelt, wéi hien op senger Sich no [[Australien]] d'Insel [[Nui]] gesinn huet. 1819 ass d'Insel [[Funafuti]], déi haut d'Haaptstad vun Tuvalu ass, ''Ellice's Island'' genannt ginn. Spéider ass deen Numm fir all néng Insele benotzt ginn. Am spéiden 19. Joerhonnert sinn d'Ellice's Islands an d'Aflossgebitt vu Groussbritannien gefall, nodeems d'Britten an déi Däitsch e Vertrag iwwer d'Demarkatioun vun hiren Aflossgebidder am pazifeschen Ozean ënnerschriwwen haten. Tëscht dem 9. an dem 16. Oktober 1892 sinn all d'Ellice Islands vum Kapitän Gibson zu engem brittesche [[Protektorat]] erkläert ginn. Vun 1892 bis 1916 sinn d'Ellice Islands als brittescht Protektorat vun engem "Resident Commissioner" verwalt ginn, als Deel vun de [[Brittesch westpazifesch Territoiren|brittesche westpazifeschen Territoiren]], a vun 1916 bis 1976 als Deel vun der Kolonie [[Gilbert and Ellice Islands]].

Am Dezember 1974 gouf e Referendum gehale fir ze determinéieren, ob d'[[Gilbert Islands]] an d'Ellice Islands allebéid hir eege Verwaltung sollte kréien. Als Konsequenz vun deem Referendum huet d'Kolonie vun den Gilbert and Ellice Islands den 1. Januar 1976 opgehalen mat existéieren. Tuvalu ass am Kader vum [[Commonwealth]] den 1. Oktober 1978 voll onofhängeg ginn. De 5. September 2000 ass Tuvalu den 189. Member vun de Vereenten Natioune ginn.

== Geographie ==
Tuvalu läit ost-nordëstlech vun der Insel Santa Cruz, déi zu de Solomoninsele gehéiert, südëstlech vun [[Nauru]], südlech vu [[Kiribati]], westlech vun [[Tokelau]], nordwestlech vu [[Samoa]] a [[Wallis a Futuna]] an nërdlech vu [[Fiji]].

Den Inselstaat ass dicht bewunnt, a besteet aus néng Koralleriffer (dovu sechs Atoller) ouni räichhaltege Buedem, déi wäit ausernee leien. Aacht vun den néng Insele si bewunnt. Tuvalu ass ee vun de klengste Staaten op der Welt, a säin héchste Punkt läit nëmme 4,6 Meter iwwer dem Mier. Doduerch ass d'Land staark vun de Konsequenze vum [[Klimawandel]] an dem Steige vum Mieresspigel betraff{{Source?}}.

== Ekonomie ==
Wéinst senger klenger Gréisst an der Isolatioun ass Tuvalu bal komplett vun Importer ofhängeg, besonnesch wat Liewensmëttel a Kraaftstoff betrëfft. D'Wirtschaft gëtt vum ëffentleche Secteur dominéiert. Et gëtt wéineg natierlech Ressourcen ausser Fësch. D'Akommes duerch den Export vu Fësch an de Verkaf vu Fëschereilizenzen ass eng bedeitend Geldquell fir d'Regierung. 2013 huet d'Akommes vun de Fëschereilizenzen iwwer 45% vum Bruttoinlandsprodukt representéiert.

Déi offiziell Hëllef vun auslänneschen Entwécklungspartner ass och wichteg. Tuvalu huet e bedeitende Patrimoine am Ausland. Den ''Tuvalu Trust Fund'', en internationalen Treihandfong, ass 1987 ugeluecht ginn. Säi Wäert ass 2014 op 104 Milliounen USD geklommen.

De finanziellen Impakt vum Klimawandel an d'Käschte vu klimaspezifeschen Adaptatiounsprojete gëllen als eng grouss zukënfteg Erausfuerderung fir d'Land.

== Biller ==
<gallery perrow="6" widths="200">
Fichier:Tuvalu costume.jpg|Eng Zeechnung vun engem tuvaluanesche Mann an engem traditionelle Kostüm (1841)
Fichier:H-C-Fassett-Ellice-Is-1900.jpg|Fra op Funafuti, fotograféiert am Joer 1900
Fichier:Government office building.jpg|Gebai vun der Regierung
Fichier:Funafuti Plage w.jpg|Plage op Funafuti
Fichier:Canoe carving on Nanumea.jpg|Männer bauen en [[Ausleeërkanu]]
Fichier:Nui atoll.jpg|Satellittebild vum Nui-Atoll
Fichier:|Strooss op engem enke Landstréch tëscht dem Mier (lénks) an der Lagun (riets) nërdlech vum Atoll vu Funafuti.
</gallery>

== Um Spaweck ==
{{Commonscat}}

{{Commonwealth of Nations}}
{{Autoritéitskontroll}}

[[Kategorie:Tuvalu| ]]