Universitéit Yaoundé I

Universitéit Yaoundé I

Typ	staatlech Universitéit
Land	Kamerun
Gegrënnt	1993
Um Spaweck	http://www.uy1.uninet.cm/

D'Universitéit Yaoundé I (fr.: Université de Yaoundé I; en.: University of Yaoundé I) ass eng ëffentlech Universitéit zu Yaoundé, der Haaptstad vum Kamerun. Hire Motto ass "Sapientia - collativa - cognitio". Si ass 1993 no enger Universitéitsreform entstanen, déi dem Land seng eelst Universitéit, d'Universitéit Yaoundé, an zwou separat Universitéite gedeelt huet: d'Universitéit Yaoundé I an d'Universitéit Yaoundé II.

Si ass an dräi Fakultéiten ënnerdeelt:

• d'Faculté des Arts, Lettres et Sciences Humaines, kuerz FALSH,
• d'Faculté des Sciences, kuerz FS,
• d'Faculté de Médecine et de Sciences Biomédicales, kuerz FMSB.

D'Institutioun ass iwwer e puer Campusse verdeelt woubäi den Haaptcampus dee vun Ngoa-Ekelle ass.

Wéi all ëffentlech Institutiounen am Kamerun ass och d'Universitéit Yaoundé I zweesproocheg: d'Course gi souwuel op Englesch wéi och op Franséisch gehalen.

Biller

• 
  Gebaier vun der Faculté de sciences
• 
  D'Gebai NBP (Nouveau bloc pédagogique)
• 
  Am Amphi 501 um Haaptcampus
• 
  Den Engleschdepartement
• 
  De Centre de calcul
• 
  Den Däitschdepartement
• 
  De Geographiesdepartement

Um Spaweck

• Websäit vun der Universitéit

Commons: Universitéit Yaoundé I – Biller, Videoen oder Audiodateien