Vincent van Gogh

Vincent van Gogh
Vincent van Gogh
Gebuertsnumm	Vincent Willem Van Gogh
Gebuer	30. Mäerz 1853; Zundert
Gestuerwen	29. Juli 1890; Auvers-sur-Oise
Doudesursaach	Schosswonn
Nationalitéit	Holland
Educatioun	Royal Academy of Fine Arts
Aktivitéit	Moler, Zeechner, Graveur
Famill
Liewenspartner(in)	Sien Hoornik
Geschwëster	Theo van Gogh

De Vincent van Gogh, gebuer den 30. Mäerz 1853 zu Groot-Zundert, haut Zundert, bei Breda, a gestuerwen den 29. Juli 1890 zu Auvers-sur-Oise am franséischen Departement Val-d'Oise, war een hollännesche Moler.

De Jong vun engem Paschtouer huet vun 1869 bis 1876 bei verschiddene Konschthändler geschafft. Duerno war hie kuerz als Hëllefspriedeger am belsche Kuelerevéier Borinage aktiv.

1880 huet hien als Autodidakt ugefaangen, nom Virbild vun den hollännesche Meeschteren ze zeechnen. Hien huet säi Konschstudium zu Antwerpen ofgebrach an huet vun 1886 bis 1888 zu Paräis um Montmartre gelieft a gemoolt.

Ënner dem Androck vun den Impressionnisten Henri de Toulouse-Lautrec, Paul Gauguin souwéi vu japaneschen Holzschnëtte goufen d'Liicht an d'Faarwe vu senge Biller ëmmer méi hell an hien huet sech och mat der Landschaftsmolerei an den Nature morte befaasst.

Op der Sich no méi Faarf goung de van Gogh an déi sonneg Provence op Arles, wou hien d'Technik vun der Rouerfiederzeechnung entwéckelt huet. Do huet hien 1888 seng bekanntst Wierker gemoolt.

Säi Versuch, fir mam Paul Gauguin zesummen eng Kënschtlerkolonie ze grënnen, huet mat dem van Gogh sengem psycheschen Zesummebroch gëendegt. Hien huet sech 1888 säin Ouer selwer mutiléiert.

Säi Brudder Theo, dee säi ganzt Liewe fir de Vincent gesuergt huet, huet hien an eng Klinick bruecht, wou hie vill Biller gemoolt huet, bis e sech wärend enger Nervekris d'Liewe geholl huet.

Seng Wierker, déi zu senge Liefzäiten nëmme wéineg Unerkennung fonnt hunn - hien hat selwer nëmmen eent vu senge Biller verkaaft kritt an zwar den Tableau Vignes Rouges a säi Client war déi belsch Molerin a Mäzenin Anna Boch, Schwëster vum Eugéne Boch dee mam van Gogh befrënnt war - huet d'Konscht vum 20. Joerhonnert definitiv beaflosst.

Galerie

Arles - Nuit étoilée sur le Rhône (1888, septembre)
Arles - Les Tournesols (1888, juin)
Arles - Terrasse du café le soir, place du Forum (1888, septembre)
Arles - La chambre de Van Gogh à Arles (Dräi Versioune vun dësem Tableau - 1888, 1889)
Arles - Café de nuit (1888)
L'Arlésienne (1888)
Arles - Le pont de Trinquetaille (1888)
Arles - L'entrée du jardin d'été (1888)
Arles - Le vieux moulin (1888)
Barques sur la plage des Saintes-Maries-de-la-Mer (1888, juin)
Saint-Remy - Les iris (1889, mai)
Saint-Remy - Les iris (1889, mai)
Saint-Remy - Nuit étoilée
Oliviers (1889)
Quatre tournesols coupés
Auvers-sur-Oise - Portait du docteur Gachet (1890, juin)
Auvers-sur-Oise - Champ de blé aux corbeaux (1890, juillet)
Portrait vu sech selwer
Portrait vu sech selwer

Um Spaweck

Commons: Vincent van Gogh – Biller, Videoen oder Audiodateien