Étienne Lenoir

Vu Wikipedia
Wiesselen op: Navigatioun, sichen
Den Étienne Lenoir

De Jean Joseph Étienne Lenoir gebuer den 12. Januar 1822 zu Mussy-la-Ville, deemools Groussherzogtum Lëtzebuerg, haut belsch Provënz Lëtzebuerg, a gestuerwen de 7. August 1900 zu La Varenne bei Paräis, war en Erfinder (80 Patenter) a Geschäftsmann.

Den Étienne Lenoir huet 1860 den éischte brauchbare Gasmotor gebaut, 1863 dat éischt Gefier op der Strooss, dat domat ugedriwwe gouf, den Hippomobile[1] an 1866 e Motorboot, dat mat Gas bedriwwe gouf. Mat sengem Gasmotorwon huet hien den 9 km laangen Trajet vu Paräis op Joinville-le-Pont an ongeféier 3 Stonnen zréckgeluecht. An der ganzer europäescher Press gouf iwwer dem Lenoir säi Gasmotorwon geschriwwen. De russeschen Zar Alexander II. war sou dovun impressionéiert, datt en him een ofkaf huet.

Den Nikolaus Otto huet sech bei der Entwécklung vum Ottomotor um Lenoir sengem Gasmotor orientéiert.

Den Étienne Lenoir gouf chevalier de la Légion d'honneur a krut d'franséisch Nationalitéit.

D'Gemeng Steesel huet an hirer Industriezon eng Gedenkplack fir de Lenoir opgeriicht an do och e Rondpoint no him benannt.[2]

Literatur[änneren | Quelltext änneren]

  • Anonyme (1980). Jean Joseph Etienne Lenoir. 1822-1900. 22 S. Hesperange. [an der Lëtzebuerger Nationalbibliothéik ze kréien]
  • Anonymus (1948). Luxemburger Forscher. Tageblatt 1948, Nr. 80 (7. April), S. 4. [3]
  • Paul Conrardy (1982). Motoren und Autos "made in Luxembourg". Auto-Touring / Revue de l'Automobile-Club de Luxembourg, n° 5: 20-25 [Artikel iwwer lëtzebuergesch Automobilconstructeuren]
  • Jean-Pierre Monhonval (1985). Etienne Lenoir : un moteur en héritage. [préf.: Christian Calmes, André Desvallées]. 123 p. Michel frères, Virton.
  • Marcel Oberweis (2000). Der Erfinder des ersten Gasmotors mit elektrischer Funkenzündung. Am 7. August 1900 starb Jean Joseph Lenoir. Luxemburger Wort, 8. August 2000, S. 4.

Um Spaweck[änneren | Quelltext änneren]

Referenzen[änneren | Quelltext änneren]

  1. De Lenoir huet deemools tëscht 350 - 400 där Hippomobile verkaaft. Quell: http://en.wikipedia.org/wiki/Hippomobile_(car)
  2. Verteilerkreis nach Automobilpionier benannt. Gedenktafel für Jean-Joseph Etienne Lenoir in Steinsel eingeweiht. Luxemburger Wort 2012, Nr. 129 (4. Juni), S. 20. — Kuckt och: mywort: Steinsel / Rédacteur: Luc Ewen / 26.10.2010. Square in Industriezone erhält einen Namen. [1]Steinsel: DP kritisiert zunehmende Verschuldung. Lëtzbuerger Journal, veröffentlicht am 03.11.2010. [2]