Auray

Dëse Geographiesartikel iwwer Frankräich ass eréischt just eng Skizz. Wann der méi iwwer dëst Thema wësst, sidd der häerzlech invitéiert, aus dëse puer Sätz e richtegen Artikel ze schreiwen. Wann dir Hëllef braucht beim Schreiwen, da luusst bis an d'FAQ eran.

Auray
Land	Frankräich
Regioun	Bretagne
Departement	Morbihan
Arrondissement	Lorient
Kanton	Auray
Code Insee	56007
Postcode	56400
Koordinaten	47° 40' 07" N 02° 58' 53" W
Fläch	691 ha
Bevëlkerung	10 911 Aw.  (1999)

D'Bréck déi den Hafe mat Auray verbënnt

Auray ass eng kleng franséisch Hafestad am Departement Morbihan, an der Bretagne. Den Hafe Saint-Goustan ass e Gezäitenhafen, an am Hafe leeft de Floss Loc'h an d'Mier.

Bis am Fréijoer 2006 war Auray Ville d'art et d'histoire klasséiert. Gréisser Nopeschuertschafte si Crac'h, Brech a Pluneret.

Geschicht

• D'Schluecht vun Auray den 29. September 1364 war déi lescht am Bretoneschen Ierffollegkrich
• 1632 si Séileit vum Hafe vu Saint-Goustan, fortgefuer fir Port-Royal an Akadien zréck z'erueweren.
• De Benjamin Franklin lant am Hafe vun Auray, wéi hien an der Zäit vum Amerikaneschen Onofhängegkeetskrich, a Frankräich koum, fir bei dem Louis XVI. militäresch Hëllef ze froen.
• Am Zweete Weltkrich war d'Gare vun Auray eng strategesch Plaz, well all de Bëtong, fir de Bau vun de Blockhaiser op de Plagen an der Géigend, huet missen doriwwer lafen.
• No dem Krich huet sech am Pi-park eng Schrottentreprise etabléiert, déi de Miltitärschrott gesammelt huet.

Jumelagen

• Ussel Frankräich
• Utting Däitschland

Auray am Sport

• Zënter 1985 organiséiert Auray al Joers en internationaalt Tennisturnéier den Open Super 12.
• 2008 war zu Auray de 6. Juli d'Arrivée vun der zweeter Etapp vum Tour de France

Musek

• D'Bagad Kevrenn Alre, vun Auray ass eng vun de bekannste bretonesche Museksgruppen.

Kuckt och

• Departement Morbihan
• Arrondissementer am Departement Morbihan
• Kantonen am Departement Morbihan
• Lëscht vun de Gemengen am Departement Morbihan

Commons: Auray – Biller, Videoen oder Audiodateien