Béimescht Massiv
D'Béimescht Massiv (Tschechesch: Česká vysočina oder Český masiv, Däitsch: Böhmische Masse oder Böhmisches Massiv) ass eng geomorphologesch Géigend a Mëtteleuropa. Et erstreckt sech iwwer bal déi ganz Tschechesch Republik, an iwwer d'Grenzen dovun eraus an de Südoste vun Däitschland, de Süde vu Polen an den Norde vun Éisträich.
Am Massiv gëtt et eng Rëtsch vu Mëttelhéije Bierger (de: Mittelgebirge) an et besteet aus kristallinem Gestengs, dat méi al wéi de Perm (iwwer 300 Millioune Joer) ass, an dat dofir am Laf vun der Variszescher Orogenes deforméiert gouf, an zanterhir staark erodéiert ass.
Deeler vun de Sudete falen ausser der Rei vun den 'normalen' Mëttelhéige Bierger (absënns d'Krkonoše (tschechesch)/Karkonosze (polnesch)/Riesengebirge (däitsch), wou et véier ënnerschiddlech klimatesch determinéiert Héichtenzone gëtt, ënnert anerem iwwer d'Bamgrenz eraus.
D'Béimescht Massiv ass en Deel vum fréieren Hercynesche Bësch-Subsystem, a grenzt un d'Westkarpaten am Osten, déi Ëstlech Alpen am Süden, d'Nordeuropäescht Flaachland am Norden, an Däitsch Mëttelhéich Bierger am Westen. D'Béimescht Massiv selwer kann a sechs Ënnerregiounen ageeelt ginn:[1]
- d'Sudeten; mat de Bierggruppe Krkonoše/Karkonosze/Riesengebirge, Lužické hory/Góry Łużyckie/Lausitzer Gebirge, an Hrubý Jeseník/Wysoki Jesionik/Altvatergebirge;
- d'Äerzbierger; mat dobäi och den Elbe Sandsteenbierger an an dem Mëttelbéimechen Héichland;
- de Béimesche Bësch, zu deem och de Bayresche Bësch, de Pfälzerwald d' Gratzener Bergland an de Granit- a Gneisplateau gehéieren;
- d'Béimesch-Mieresch Héichten (Českomoravská vrchovina) an d'Héichland vu Brno (Brněnská vrchovina);
- Poberoun; mat der Brdy-Biergketten an dem Prager Plateau;
- Béimescht Tafelland; mam Polabí-Déifland ronderëm d'Elbe/Labe.
Geographie[änneren | Quelltext änneren]
D'Topographie vum Béimesche Massiv ass meeschtens dominéiert vun enger Hiwwelllandschaft. Nërdlech vun der Donau sinn et kleng Däller mat breede, flaache Flanken. Déi héchst Bierger laanscht d'éisträichesch-tschechesch Grenz sinn de Plöckenstein (Plechý, 1.378 m) an de Sternstein (1.125 m).
Allgemeng sinn d'Däller, wéi och an aneren europäesche Mëttelhéige Bierger, méi onreegelméisseg a manner staark prononcéiert wéi z.B. an den Alpen, déi méi jonk sinn.
Um Spaweck[änneren | Quelltext änneren]
| Commons: Béimescht Massiv – Biller, Videoen oder Audiodateien |
Referenzen[Quelltext änneren]
- ↑ Demek, Jaromír; Mackovčin, Peter: Zeměpisný lexikon ČR: Hory a nížiny. Nature and Landscape Protection Agency of the Czech Republic, 2006. ISBN 80-86064-99-9.