Carnival Cruise Lines

Dësen Artikel ass eréischt just eng Skizz. Wann der méi iwwer dëst Thema wësst, sidd der häerzlech invitéiert, aus dëse puer Sätz e richtegen Artikel ze schreiwen. Wann der Hëllef braucht beim Schreiwen, da luusst bis an d'FAQ eran.

D'Carnival Cruise Lines Inc. (CCL) ass d'Grënnungsgesellschaft an haut déi gréisst vun den haut zwielef Croisièresgesellschaften vun der Carnival Corporation & plc mat Gesellschaftssëtz zu Miami.

Geschicht

Den Ted Arison, dee virdru Partner vum Knut Kloster a senger Norwegian Cruise Line war, huet 1972 d'Carnival Cruise Lines gegrënnt, fir unzefänken mat engem eenzele Schëff, der Mardi Gras (virdrun Empress of Canada), déi schonns bei hirer éischter Rees op Gond gelaf war, mä du reparéiert konnt ginn. Den Numm „Mardi Gras on the Rocks“ krut och e Coctail, dee lang op de Carnival-Schëffer servéiert gouf.

Dëse Réckschlag huet iewer net verhënnert datt dës Gesellschaft Erfolleg no Erfolleg buche konnt. 1984 huet Carnival mat enger Publizitéitscampagne, déi 10 Mio. USD kascht huet, an der Televisioun opgetrompt. Dräi Joer méi spéit huet se hir Aktien um fräie Maart ugebued. Carnival huet, am Cader vum Ausbau vun hiren Aktivitéiten, ëm 1988, d'Holland-America Line mat der Windstar Cruises fir 900 Mio. USD iwwerholl. 1991 huet se zousätzlech nach d'Seabourn Cruise Line AS abezunn.

Vun 1994 un gouf den Numm Carnival Cruise Lines dunn nëmmen fir d'Bezeechnung vu der Grënnungsgesellschaft benotzt. D' Haaptorganisatioun fir si an all déi zousätzlech incorporéiert Croisièresgesellschaften ass dunn ënner dem Numm Carnival Corporation gefouert ginn.

Ënner dem Numm Carnival Destiny ass 1996 dat éischt Passagéierschëff vu méi wéi 100.000 BRT agesat gi, e Schëff, dat méi grouss war wéi d'RMS Queen Elizabeth, déi vun 1940 un de Rekord als gréisste Passagéierschëff gehalen huet.

1998 huet d'Carnival Corporation dunn och nach déi italienesch Costa Crociere S. p. A., eng féirend europäesch Croisières-Linn, an och nach déi albekannte Cunard Line opkaaft. 2002 koum dunn nach d'P & O-Princess Cruises Ltd derbäi. An der Transaktioun waren d'Gesellschafte P & O Cruises, Princess Cruises, P & O Holiday, Swan Hellenic an déi däitsch P & O-Duechter AIDA Cruises enthalen.

Lëscht vun de Croisièresschëffer

Jahr	Name	Tonnage	Werft	Status/Wat aus em ginn ass
1972 (1961)	Mardi Gras	18.261 BRT	Vickers-Armstrong Ltd., Barrows	1961 ex Empress of Canada, CP / 1972 an CCL / 1993 verkaaft
1975 (1956)	Carnivale	18.952 BRT	Fairfield S. B. & Eng. Co. Ltd., Glasgow	1956 ex Empress of Britain, CP / 1975 an CCL / 1994 verkaaft
1977 (1962)	Festivale	26.632 BRT	John Brown & Co. Ltd., Clydebank	1962 ex Transvaal Castle, Union-Castle / 1977 un CCL / 1994 verkaaft
1981	Tropicale	22.919 BRT	Aalborg Vaerft AS, Aalborg	2000 u Costa iwwerdro an a Costa Tropicale ëmbenannt.
1985	Holiday	46.052 BRT	Aalborg Vaerft AS, Aalborg	Am Déngscht
1986	Jubilee	47.262 BRT	Kockums AB, Malmö	2004 u P & O Holiday iwwerdro an a Pacific Sun ëmgedeeft
1987	Celebration	47.262 BRT	Kockums AB, Malmö	Am Déngscht
1990	Fantasy	70.390 BRT	Kvaerner-Masa-Yards AB, Turku	Am Déngscht
1991	Ecstasy	70.390 BRT	Kvaerner-Masa-Yards AB, Turku	Am Déngscht
1993	Sensation	70.390 BRT	Kvaerner-Masa-Yards AB, Turku	Am Déngscht
1994	Fascination	70.390 BRT	Kvaerner-Masa-Yards AB, Turku	Am Déngscht
1995	Imagination	70.390 BRT	Kvaerner-Masa-Yards AB, Turku	Am Déngscht
1996	Inspiration	70.390 BRT	Kvaerner-Masa-Yards AB, Turku	Am Déngscht
1998	Elation	70.390 BRT	Kvaerner-Masa-Yards AB, Turku	Am Déngscht
1998	Paradise	70.390 BRT	Kvaerner-Masa-Yards AB, Turku	Am Déngscht
1996	Carnival Destiny	101.509 BRT	Fincantieri S.p.A., Monfalcone	Am Déngscht
1999	Carnival Triumph	101.509 BRT	Fincantieri S.p.A., Monfalcone	Am Déngscht
2000	Carnival Victory	101.509 BRT	Fincantieri S.p.A., Monfalcone	Am Déngscht
2001	Carnival Spirit	85.920 BRT	Kvaerner-Masa-Yards AB, Turku	Am Déngscht
2002	Carnival Pride	85.920 BRT	Kvaerner-Masa-Yards AB, Turku	Am Déngscht
2003	Carnival Legend	85.920 BRT	Kvaerner-Masa-Yards AB, Turku	Am Déngscht
2003	Carnival Miracle	85.920 BRT	Kvaerner-Masa-Yards AB, Turku	Am Déngscht
2002	Carnival Conquest	110.239 BRT	Fincantieri S. p. A., Monfalcone	In Dienst
2003	Carnival Glory	110.239 BRT	Fincantieri S. p. A., Monfalcone	Am Déngscht
2004	Carnival Valor	110.239 BRT	Fincantieri S. p. A., Monfalcone	Am Déngscht
2005	Carnival Liberty	110.239 BRT	Fincantieri S. p. A., Monfalcone	Am Déngscht
2007	Carnival Freedom	110.239 BRT	Fincantieri S. p. A., Monfalcone	Am Déngscht
2007	Blu Carnival	110.239 BRT	Fincantieri S. p. A., Monfalcone	Am Déngscht

Quellen

• Merian Extra - MS EUROPA - ISBN 3-7742-6613-1
• Ward, Douglas: Berlitz Complete Guide to Cruising & Cruise Ships 2006, ISBN 981-246-739-4

Kuckt och

• Lëscht vu Croisièreschëffer
• Lëscht vu Reedereie mat Croisièreschëffer

Um Spaweck

• Offiziell Säit vu de Carnival Cruise Lines

Commons: Carnival Cruise Lines ships – Biller, Videoen oder Audiodateien