Chloroform

Chloroform
Systemateschen Numm (IUPAC)	Trichloromethan
Trivialen Numm	Chloroform Chloroformium Anestheticum Chlorformum pro Narcosi
Chemesch Formel	CHCl3
Ausgesinn	duerchsiichteg Flëssegkeet
Eegeschaften
Dicht	1.483 g/cm3
Léislechkeet	8 g/l bei 20 °C (am Waasser)
Molmass	119.38 g/mol
Schmëlzpunkt	-63.5 °C
Kachpunkt	61.2 °C °C
Thermodynamesch Daten
Standard Formatiounsenthalpie ΔfH0	–134.3 KJ·mol−1
Standardentropie S0	? J·K−1·mol−1
Verbrennungsenthalpie ΔcH0	–473.2 KJ·mol−1
Weideres
Ähnlech Molekülen	Monochloromethan Dichloromethan Tetrachloromethan
Chemesch Famill	Chlorkuelewaasserstoffer

Chloroform oder Trichloromethan ass ee vun de véier chloréierten Derivatsproduiten vum Methan.

Physikalesch Eegenschaften

Chloroform ass eng flüchteg a beweeglech Flëssegkeet. Si huet en agreabele Geroch a e brennend, séissleche Goût. En ass léislech an organesche Léisungsmëttel wéi zum Beispill Alkohol, Ether an e bëssen am Waasser.

Chemesch Eegenschaften

Chloroform ass net entzündlech. Wann en der Loft an dem Liicht ausgesat ass, oxydéiert Chloroform lues a lues zu denen héichgëftege Substanze Chlor a Phosgen. Fir dës graduell Oxydatioun ze stoppen a de Phosgen, den entstanen ass, ze zersetzen, enthält Chlorform ëmmer 1 bis 2% Alkohol.

Hierstellung

Chloroform gëtt duerch Substitutioun vum Waasserstoff duerch Chlor aus Dichloromethan hiergestallt.

$\mathrm{CH_2Cl_2 + Cl_2 \longrightarrow CHCl_3 + HCl}$

Uwendung

Fréier gouf Chloroform als Anesthésiant duerch Anotme benotzt. Mä en ass mëttlerweil duerch aner Produiten ersat ginn, well e gëfteg a geféierlech ass. Chloroform gëtt awer nach als Léisungsmëttel gebraucht. E soll a loftdichte Behälter gelagert ginn a vu Liicht an Temperaturen vu méi wéi 30 °C geschützt ginn.

Auswierkungen op d’Gesondheet

Et soll een direkte Kontakt mat Chloroform evitéieren, well en d'Haut an d'Schläimhaut reizt an iwwert d’Haut an de Kierper gelaangt a den Organismus vergëft.

Literatur

• Martindale, The Extra Pharmacopoeia, Thirtieth Edition

Um Spaweck

• http://www.seilnacht.com/Lexikon/halkw.html

Commons: Chloroform – Biller, Videoen oder Audiodateien