Educatioun

Educatioun (oder Pedagogik, v. griich. παιδαγογια, vu παιδος (paidos) Kand an αγω féieren, grousszéien) befaasst sech mat der Erzéiung an der Bildung. Si soll virun allem mat systematesche Fuerschungsmethode schaffen, fir Erkenntnesser iwwert d'Erzéiungsprozesser ze kréien an och zur Bildung bäizedroen.

Bäim Erzéiungsprozess gi Kanner a Jugendlecher duerch déi pedagogesch Verantwortlech (Elteren, Erzéier, Schoulmeeschteren a Professeren) an d'Welt vun den Erwuessenen agefouert. De Jonktem léiert dobäi Regelen, Normen a Behuelen, mä och selbststännegt Denken an Handelen.

De modernen a ganzheetleche Bildungsbegrëff dogéint steet fir de liewenslaangen Entwécklungsprozess vum Mënsch, bäi deem e seng geeschteg, kulturell a liewenspraktesch Fähegkeeten a seng personal a sozial Kompetenzen erweidert.

Erzéiung kënnt vu baussen - de Bildungsprozess awer ass e selbstännege Prozess, dee vu banne kënnt an op d'Erzéiung opbaut. Wichteg Faktore bäi der Educatioun sinn d'Natur, d'Gesellschaft an den Individuum selwer.

Disziplinne wéi d'Soziologie an d'Psychologie spille bei der Educatioun eng grouss Roll.

Literatur

• Histoire de l'enseignement et de l'éducation ; 4 Bänn; Paräis (Perrin / tempus-Täschebicher), 2003-2004 (Originalausgab: 1981):

1. Michel Rouche, I. Ve avant J.-C - XVe siècle (ISBN 978-2-262-02099-6);
2. François Lebrun, Marc Venard & Jean Quéniart: II. 1480-1789 (ISBN 978-2-262-02147-4);
3. Françoise Mayeur, III. 1789-1930 (ISBN 978-2-262-02094-1);
4. Antoine Prost, IV. Depuis 1930 (ISBN 978-2-262-02095-8).

• Françoise Mayeur, L'éducation des filles en France au XIXe siècle ; Paräis (Perrin / tempus-Täschebuch), 2008 (Originalausgab: 1979); ISBN 978-2-262-02775-9
• Michel Schmit, Regards et propos sur l'enseignement supérieur et moyen au Luxembourg ; Lëtzebuerg, PSH (Publications de la Section historique de l'Institut grand-ducal), Bd. CXVI, 1999; 772 Säiten.
• (Kollektiv), Enseignement secondaire 1939-1989 ; Ré-Création 5, Diekirch (éditions APESS, a.s.b.l.), 1989; 450 Säiten (ill.).
• Henri Entringer, Les défis de l'Université du Luxembourg - Essai d'analyse interrogative sept ans après la création de l'UL ; Lëtzebuerg, Publication de l'Institut grand-ducal (Section des Sciences morales et politiques), 2010; 277 Säiten. ISBN 978-2-9599794-3-9

Um Spaweck

Commons: Educatioun – Biller, Videoen oder Audiodateien

• Educational Measurement and Applied Cognitive Science op uni.lu
• Bachelor Professionnel en Sciences de l'Education, Nofolger vum Certificat d'Etudes Pédagogiques (CEP) dee vum ISERP ausgestallt gouf, op uni.lu
• Portail vun der Educatioun zu Lëtzebuerg education.lu