Wolga

Vu Wikipedia
Wiesselen op: Navigatioun, sichen
Wolga
Volgarivermap.png
Längt 3 530 km
Héicht vun der Quell
oder Zesummelaf
225 m
Duerchschnëttsdebit 8 400 m³/s
Fläch vum Baseng 1 400 000 km²
Leeft an: Kaspescht Mier
Floss - Hydrologie

D'Wolga (Russesch: Волга, ass e Floss am Weste vu Russland. Se ass, mat enger Längt vun 3560 km, dee längste Floss an Europa. Virun hirer Kanalisatioun war si souguer 3690 Kilometer laang.

An der Antikitéit war d'Wolga ënner dem Numm Rha bekannt. Turk-Vëlker nennen se Idel (Tartaresch: İdel, Идел), op Mordwienesch heescht se Raw, Рав.

D'Wolga entspréngt um Waldai-Plateau, 225 Meter iwwer dem Mier. Se leeft duerch oder laanscht d'Stied Twer, Rybinsk, Jaroslawl, Nijni Novgorod, Kasan, Uljanowsk, Samara, Saratow, Wolgograd an Astrachan. Un hirem Enn bilt se d'Wolgadelta a leeft an d'Kaspescht Mier.

Am 20. Joerhonnert goufen aacht Staudämm un der Wolga gebaut, déi mat sech bréngen, datt se op laange Strecken éischter enger Rëtsch vu Séie gläicht. De gréissten dovun ass dee bei Samara, aus dem Joer 1957.

Wichteg Nieweflëss sinn d'Kama, d'Oka an d'Wetluga. Iwwer Kanäl ass d'Wolga mam Baltesche Mier, dem Wäissen an dem Schwaarze Mier verbonnen.

Zanter dem Altertum war d'Wolga eng wichteg Handelsstrooss.


D'Wolga zu Kostroma
D'Wolga zu Kostroma


Kuckt och[änneren | Quelltext änneren]

Commons: Wolga – Biller, Videoen oder Audiodateien