Landkaart

Ausschnëtt aus enger topographescher Kaart

Eng Landkaart ass d'Duerstellung vun engem Stéck Terrain op enger flaacher Fläch. Dat ass net esou einfach, wéll een eng Kugel oder en Deel vun enger Kugel (d'Welt) net kann opdiebelen wei zum Béispill e Wierfel.

<a href=http://www.etomesto.ru/karta7/>План центра Москвы 1904 года в PDF</a> Déi verschidde Schrëtt fir zu enger brauchbarer Kaart ze kommen, sinn:

1. Auswiele vun engem Projektiounsmodell, mat deem déi bescht Resultater ze erwaarde sinn.
2. Projektioun vun deem Deel vum Terrain, deen een op der Kaart duerstelle wëll
3. Emwandlung vun de geographesche Koordinaten (Längen- a Breedegraden) an e kartesescht Koordinatesystem (nom Schema x an y, wou x ëmmer horizontal (also West-Ost), an y ëmmer vertikal (also Nord-Süd) ass)
4. Skaléierung vun der Kaart, dat heescht d'Kaart an ee brauchbare Moossstaf ëmwandelen a versichen, datt d'Verzerrungen déi duerch d'Projektiounsmethod entstane sinn esou kleng wéi méiglech ausfalen.

D'Duerstellung vum Stéck Terrain gëtt vereinfacht duerch d'Benotze vu konventionellen Zeechen an enger Legend. D'Duerstellung ass ëmmer am Moossstaf.

Et gi verschidden Zorte vu Kaarten, z.B. topographescher, physescher, politescher, asw.

D'Faarwen op enger Kaart hunn ëmmer eng speziell Bedeitung. Op enger topographescher Landkaart benotzt ee schwaarz fir vum Mënsch geschafe Formen (Stroossen, Gebaier, etc.), blo fir Gewässer (Baachen, Flëss, Séien, etc.), gréng fir Vegetatioun (Bëscher, Wisen, Plantatiounen, etc.), brong fir de Relief a violett fir de Quadrillage.

Fir besser mat der Kaart eens ze ginn hëlleft den amerikanesche GPS System, an an Zukunft den europäesche Galileo System, andeems dës Systemer de Benotzer verréit, wou se sech op der Kaart befannen.

Commons: Landkaarten – Biller, Videoen oder Audiodateien