Aart

Dëse Biologiesartikel ass eréischt just eng Skizz. Wann Dir méi iwwer dëst Theema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir beim Schreiwen Hëllef braucht, da luusst bis an d'FAQ eran.

D'Aart oder d'Spezies ass d'Grondeenheet vum System vun de Liewewiesen. D'Individue vun enger Aart bilden eng natierlech Fortplanzungsgemeinschaft, där hir Nokomme fruchtbar sinn a sech net mat aneren Aarte vermëschen. Wann et trotzdeem eng Kéier firkënnt, datt zwou verschidden Aarte sech vermëschen, da sinn hir Nokommen Hybriden.

De Carl von Linné huet a sengem Wierk, dem Systema naturae, de Grondsteen vun der wëssenschftlecher Nomenklatur geluecht, andeems hien d'Taxonomie, eng binär Nomenklatur, agefouert huet an domat d'Grondlag geschaf vun der botanescher Fachsprooch.

De wëssenschaftlechen Numm vun enger Aart gëtt deemno op Latäin geschriwwen a setzt sech aus engem éischten Deel, den Numm vun der Gattung, an engem zweeten Deel, an der Zoologie Aartzousaz oder spezifeschen Aartnumm genannt, an der Botanik Aart-Epitheton, zesummen. Zum wëssenschaftlech Numm gehéiert och den Numm vum Auteur (dacks gekierzt), an der Zoologie kënnt nach d'Joer derbäi, an deem d'Aart beschriwwe gouf. Dëst erlabt et, fir Synonymen auserneen ze halen.

D'Aarte kënnen nach an Ënneraarten agedeelt ginn. Sou ass z. B. d'Hauskaz eng Ënneraart vun der wëller Kaz.

Beispiller vun Aartnimm

an der Botanik
Vernakularnumm	Wëssenschaftlechen Numm	Gattungsnumm	Aart-Epitheton	Ënneraart
Risebiereklo	Heracleum mantegazzianum Somm. et Lev.	Heracleum	mantegazzianum	---
Éisträichesch Schwaarzkifer	Pinus nigra Arnold subsp. nigra	Pinus	nigra	nigra
an der Zoologie
Vernakularnumm	Wëssenschaftlechen Numm	Gattungsnumm	Artzousaz, Spezifeschen Aartnumm	Ënneraart
Nilgäns	Alopochen aegyptiaca (Linnaeus, 1766)	Alopochen	aegyptiaca	---
Asiatesch Gielfouss-Runn	Vespa velutina subsp. nigrithorax de Buysson, 1905	Vespa	velutina	nigrithorax