Ain (Floss)

Vu Wikipedia
Wiesselen op: Navigatioun, sichen
Ain
Pont-du-Navoy02.jpg
Den Ain zu Pont-du-Navoy
Längt 190
Hydrographesche Baseng Rhône
Origine
Plaz tëscht Conte an Nozeroy
Héicht 680
Koordinaten 46/44/58/N 6/1/23/E
Konfluenz
Leeft an Rhône > Mëttelmier
Plaz bei Saint-Maurice-de-Gourdans
Héicht 185
Koordinaten 45/47/43/N 5/10/37/E
Geographie
Land Frankräich
Uertschaften Champagnole

Den Ain ass e Floss a Frankräich, deen an de Regioune Bourgogne-Franche-Comté an Auvergne-Rhône-Alpes queesch duerch d'Departementer Jura an Ain leeft, deem en den Numm ginn huet.

Geographie[änneren | Quelltext änneren]

D'Source de l'Ain (bei Héichwaasser)
D'Source de l'Ain (ouni Waasser)

Den Ain entspréngt an enger Karstquell am franséische Jura, op der Gemengegrenz vu Conte an Nozeroy, op enger Héicht vun ca. 680 m. Jee nodeem kënnen do bis zu 60.000 l/s erauslafen (z. B. no engem staarke Schluet oder wann de Schnéi schmëlzt, et kann awer och sinn, datt guer näischt erauskënnt.

Den Ain leeft a südsüdwestlecher Richtung, an engem déif ageschniddenen Dall vum Jura, an hëlt eng jett Baachen a Flëss sop. Bei Syam gëtt en abrupt a Richtung Nordwest deviéiert a leeft dann, hanner Champagnole an en Héichdall vun enger 20 Kilometer Längt nees a seng ursprénglech Richtung, andeems e Meandere mécht. Südwestlech vu Poncin leeft den Ain aus senger Schlucht eraus, weider duerch en hiwwelegen Terrain a Richtung Rhône. An dee leeft en da vu riets, no enger Gesamtstreck vun 190 km, um Territoire vun der Gemeng Saint-Maurice-de-Gourdans (ca. 40 km viru Lyon).

Op sengem Laf gëtt den Ain 15-mol gestaut, primär fir Energie ze produzéieren, ma och, fir de Laf ze regléieren. D'Talspär vu Vouglans ass eng vun de gréissten dovun.

Nieweflëss[änneren | Quelltext änneren]

  • la Serpentine
  • Bief de la Fraite
  • Ruisseau de Combe Sandon
  • Bief de Froide Fontaine
  • Bief des cornes
  • Bief des grands chaux
  • Bief cent Tours
  • Bief de la Creuse
  • Bief de Provelle
  • Bief de Rougemont
  • Bief de Paillasson
  • Bief de Coquenelle
  • Bief de sous le Crêt
  • Bief de Fosse
  • Bief du Moulin
  • Bief Martin
  • Bief de l'Œuf
  • le Dudon
  • Ruisseau du Buronnet
  • la Cimante
  • la Lantenne
  • la Grave
  • la Balme
  • le Veyron

Uertschafte laangscht de Floss[änneren | Quelltext änneren]

Biller[änneren | Quelltext änneren]

um Spaweck[änneren | Quelltext änneren]

Commons: Ain – Biller, Videoen oder Audiodateien