Albertina (Wien)

Albertina
Typ	Konschtmusée
Lokalisatioun
Land	Éisträich
Gemeng	Innere Stadt,; Wien
Koordinaten	48°12'16"N, 16°22'6"O
Gestioun
Leedung	Klaus Albrecht Schröder
Visiteuren/Joer	366.250 2021
Um Spaweck	http://www.albertina.at/, https://www.albertina.at/home
Gebai
Datum vum Bau	1776
Kollektioun
Exponater

D'Albertina ass e Musée am Quartier Innere Stadt zu Wien.

De Musée huet eng vun de gréissten a bedeitendste Sammlunge vun Zeechnungen an Dréck (eng 65.000 Zeechnungen a ronn 1 Millioun Dréck vun ale Meeschteren).

Donieft gehéieren zu der Sammlung och modern Grafiken, Fotoen an architektonesch Entwërf a Pläng.

Ausserdeem ass an der Albertina eng Privatkollektioun vu Konschtwierker aus der Zäit vum spéiden 19. a fréien 20. Joerhonnert (ë. a. am impressionistesche Stil) ze gesinn, déi dem Musée iwwer e permanente Prêt zur Verfügung gestallt gouf.

Den Numm geet zeréck op den Herzog Albert vu Sachsen-Teschen, deen de Palais, direkt nieft der Hofburg, als Residenz benotzt huet, a wou e spéider seng Sammlung vu Grafike versuergt huet, déi e vu Bréissel dohibruecht hat, nodeems en do Gouverneur vun den Éisträicheschen Nidderlande war.