Algirdas Brazauskas
| Algirdas Brazauskas | |
|---|---|
 | |
| Funktioun | |
|
4. President vu Litauen | |
| 25. November 1992 - 25. Februar 1998 | |
| Virgänger | Vytautas Landsbergis |
| Nofollger | Valdas Adamkus |
| Partei |
Kommunistesch Partei vun der Sowjetunioun, Kommunistesch Partei, Demokratesch Aarbechterpartei, Sozialdemokratesch Partei |
| Biographie | |
| Gebuer |
22. September 1932 Rokiškis |
| Gestuerwen |
26. Juni 2010 Vilnius |
| Doudesursaach | béisaartege Lymphom |
| Nationalitéit | UdSSR, Litauen |
| Educatioun | Technesch Universitéi Kaunas |
| Gielercher | Dräi-Stären-Uerden 1. Klass, Grand-croix de la Légion d'honneur, Elefanten-Uerden, Grand-croix vum Erléiser-Uerden, Kinnekleche Seraphinenuerden, Légion d'honneur, Uerde vum Infant Dom Henrique |
| Bestuet mat | Kristina Brazauskienė |
 | |
Den Algirdas Mykolas Brazauskas, gebuer den 22. September 1932 zu Rokiškis a gestuerwen de 26. Juni 2010 zu Vilnius, war e litauesche Politiker. Hie war vun 1992 bis 1998 Staatspresident vu Litauen, an duerno vun 2001 bis 2006 Premierminister.
Den Algirdas Brazauskas huet um Polytechneschen Institut vu Kaunas Hydrotechnuk studéiert a gouf 1956 Beamten a Parteifonctionnaire an der Litauescher Sozialistescher Sowjetrepublik, resp. der Kommunistescher Partei vu Litauen.
1988 gouf en Éischte Sekretär vun der litauescher KP. Ënner senger Féierung huet d'Kommunistesch Partei vu Litaue sech an Demokratesch Aarbechterpartei vu Litauen ëmbenannt a sech vu Moskau distanzéiert.
No der Onofhängegkeet vum Land gouf de Brazauskas, bei de Parlamentswale vum 25. Oktober 1992, zum President vum litauesche Parlament gewielt a sou de 25. November Staatspresident ad interim. De 14. Februar 1993 gouf e mat 60,2 % vun de Stëmmen an der allgemenger Wal zum Staatspresident gewielt.
Tëscht 2001 an 2006 war hien nach eng Kéier Premierminister.
Hien ass bis 2007 Leader vun der Sozialdemokratescher Aarbechterpartei bliwwen an ass 2010 am Alter vu 77 Joren u Kriibs gestuerwen. Zum Zäitpunkt vu sengem Doud huet hien nach als aflossräiche Politiker am Land gegollt.[1],[2]
Um Spaweck
[änneren | Quelltext änneren]
|
Commons: Algirdas Brazauskas – Biller, Videoen oder Audiodateien |
Referenzen
[Quelltext änneren]- ↑ BBC: First post-Soviet Lithuanian President Brazauskas dies (27. Juni 2010)
- ↑ The Telegraph: Algirdas Brazauskas Orbituary (27. Juni 2010)