Allianz vun de Liberalen an Demokrate fir Europa (Partei)

Vu Wikipedia
Op d'Navigatioun wiesselen Op d'Siche wiesselen
Logo Parteizentral
ALDE Logo.jpeg Rue Montoyer 31
1000 Bréissel
Flag of Belgium (civil).svg Belsch
Basisdonnéeën
Grënnungsdatum: 26. Mäerz 1976: als Federatioun vu
Liberalen an Demokratesche
Parteien an Europa
30. Abrëll 2004: Europäesch Liberal,
Demokratesch a Reformpartei
Ausriichtung: liberal
Fraktioun: ALDE-Fraktion
Faarf: Blo a Gold
Websäit: www.aldeparty.eu

D'Allianz vun de Liberalen an Demokrate fir Europa (en.: Alliance of Liberals and Democrats for Europe Party; fr.: Alliance des libéraux et des démocrates pour l'Europe; de.: Allianz der Liberalen und Demokraten für Europa; kuerz ALDE) ass eng politesch Partei op europäeschem Niveau. Si setzt sech aus iwwer 50 europäesche liberale Parteien zesummen, dorënner der lëtzebuergescher DP, de britesche Liberal Democrats an der däitscher FDP.

Si gouf de 26. Mäerz 1976 zu Stuttgart als Federatioun vu Liberalen an Demokratesche Parteien an Europa gegrënnt. 2004 ass se dunn ënner dem Numm Europäesch Liberal, Demokratesch a Reformpartei och als Europapartei gegrënnt. Zënter dem 10. November 2012 huet si hiren aktuellen Numm.

Am Europaparlament ass d'ALDE-Partei zënter 2004 duerch d'Fraktioun vun der Allianz vun de Liberalen an Demokrate fir Europa vertrueden, déi si zesumme mat der Europäescher Demokratescher Partei bilden. Déi Fraktioun hat am Mäerz 2015 68 Deputéiert am Europaparlament, dovun 47 aus der ALDE-Partei.


Commons: Allianz vun de Liberalen an Demokrate fir Europa – Biller, Videoen oder Audiodateien