Archeologesche Site Wollefsgrouf

Vu Wikipedia
Op d'Navigatioun wiesselen Op d'Siche wiesselen

De Site Wollefsgrouf ass en archeologesche Site vun enger Wollefsgrouf, an der Gemeng Biekerech.

E läit an egem Bësch, op enger Knupp tëschent den Uertschaften Habscht,Huewel, Elweng Schweech a Simmer.

Esou Wollefsgrouwe goufen zanter dem Mëttelalter bis an d'Neizäit ugeluecht, fir Wëllef dran ze fänken. Et ware Falen, déi aus engem déiwe Lach bestoungen, dat zougedeckt war, an op dat e Köder geluecht gouf, fir d'Déier unzelackelen.

Déi hei ass 5 op 7 Meter breet. Wéi déif, oder wéi al se ass, muss eng archeologesch Analys erausfannen.

DWollefsgrouf bei Biekerech ass déi eenzeg erhalen am Land. Dofir gouf se den 11. Abrëll 2018 op den Zousazinventaire vun de klasséierte Gebaier an Objeten agedroen.[1]

Kuckt och[änneren | Quelltext änneren]

Referenzen[Quelltext änneren]

  1. Service des Sites et Monuments Nationaux: Liste des immeubles et objets classés Monuments nationaux ou inscrits à l'Inventaire supplémentaire (Lescht Versioun vum 19. Juni 2019).