Carla Lucarelli
| Carla Lucarelli | |
|---|---|
| Gebuer |
12. Oktober 1968 Lëtzebuerg |
| Nationalitéit | Lëtzebuerg |
| Aktivitéit | Schrëftsteller |
 | |
D'Carla Lucarelli, gebuer 1968 an der Stad Lëtzebuerg[1] ass eng lëtzebuergesch Autorin, Regisseurin a Schauspillerin.
Si huet Literatur, Konschtgeschicht an Theaterwëssenschaften zu Lëtzebuerg, Perugia a Stroossbuerg studéiert an zu Lëtzebuerg, Paräis a Mülheim an der Ruhr eng Ausbildung an Dramaturgie gemaach.[1]
Si schafft hallefzäit als Professesch an engem Lycée a féiert Regie bei Theaterstécker.[1]
An der lëtzebuergescher Sitcom Comeback (2012/13) war si an der Roll vun der Elisabeth, der Mamm vum Pit a vum Jacques, ze gesinn.
D'Carla Lucarelli huet beim nationale Literaturconcours 2011 fir Lyrikfetzen mit Hund und Dame eng Spezialmentioun kritt[2] an 2012 mat hirer Novell Le prix du silence déi 3. Plaz (ex aequo) beluecht[3]. Ausserdeem huet si e puer Theaterstécker geschriwwen, wouvu bis ewell der 2 opgefouert goufen: Männer plus minus zu Saarbrécken an Zwei Schwestern, Fragmente einer Verwandtschaftsgeschichte zu Miersch.[4]
Gedichter vun hir goufen an diversen Online-Zäitschrëften an Antologië publizéiert. Bei Phi koum 2012 hire Gedichtsband Aquatiques an 2013 hiren éischte Roman eraus.[4]
Wierker
- Aquatiques. Poèmes. Graphiti/Editions Phi, 2012.
- Terrains vagues. Microfictions. Editions lesVenterniers, 2013
- Carapaces. Roman. Editions Phi, 2013
Um Spaweck
Referenzen
- ↑ 1,0 1,1 1,2 Bio op lire.ca.
- ↑ Concours littéraire national 2011. cnl.public.lu, 01-12-2011.
- ↑ Concours littéraire national 2012. cnl.public.lu, 28-11-2012.
- ↑ 4,0 4,1 Encart am forum 331, Jul-August 2013, S,32.