Centre national de recherche archéologique

Vu Wikipedia
Wiesselen op: Navigatioun, sichen
Stub W.svg Dësen Artikel ass eréischt just eng Skizz. Wann Dir méi iwwer dëst Thema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir beim Schreiwen Hëllef braucht, da luusst bis an d'FAQ eran.

Den Nationale Fuerschungszenter fir Archeologie, offiziell Centre national de recherche archéologique (CNRA), ass en Zenter zu Lëtzebuerg, deen dem Kulturministère ënnersteet an dem Nationalmusée fir Geschicht a Konscht ugeschloss ass. E gouf duerch e Règlement grand-ducal vum 24. Juli 2011 [1] an d'Liewe geruff an huet säi Sëtz zu Bartreng. Seng Missioun ass et, d'Iwwerreschter aus vergaangenen Zäit zu Lëtzebuerg z'erfuerschen, ze konservéieren an ëffentlech ze maachen (ë. a. och duerch Publikatiounen, Ausstellungen, Konferenzen, Visite guideen, asw.).

Archeolog beim Moosse vun engem Profil.

Aufgaben a Beschreiwung[änneren | Quelltext änneren]

De CNRA ënnersicht am Virfeld vu Bauprojeten, oder aus Fuerschungsgrënn, den Terrain fir Informatiounen iwwer d'Geschicht, d'Ëmwelt, d'Ekonomie an d'Kultur vu Gesellschaften an fréierer Zäit ze sammeln, dozou gi verschidde Prospektiouns- an Ausgruewungsmethoden agesat.

Den CNRA schafft zesumme mat anere Fuerschungsinstituter, Bibliothéiken an Archiver am In- an am Ausland. D'Mataarbechter vum CNRA organiséieren regelméisseg Virträg, Konferenzen an, an Zesummenaarbecht mam Nationalmusée fir Geschicht a Konscht, Ausstellungen. En Haaptdeel vu senger Aarbecht läit am Ënnersiche vun archeologesche Siten an am Erausginn vun archeologeschen Publikatiounen.

Chargéierten Direkter ass de Foni Le Brun-Ricalens.

Dokumentatioun vun engem Keller an der réimescher Villa zu Bartreng.

Publikatiounen[änneren | Quelltext änneren]

Den CNRA gëtt zanter dem Hierscht 2014 eng populärwëssenschaftlech Publikatiounsserie eraus ënner dem Titel Archaeologia luxemburgensis - Bulletin du Centre national de recherche archéologique.[2] Zënter 1989 kënnt onregelméisseg an Zesummenaarbecht mam Landesdenkmalamt vum Saarland a mam Service Régional de l'Archéologie de Lorraine d'Publikatioun "Archeologia Mosellana - Archéologie en Sarre, Lorraine et Luxembourg" eraus.

Weider Publikatioune vum CNRA:

  • Musée national d'histoire et d'art & Centre national de recherche archéologique, 2011. Unter unseren Füßen. Sous nos pieds. Archäologie in Luxemburg. Archéologie au Luxembourg 1995-2010. Publications du Musée national d'histoire et d'art Luxembourg Nr. 14 (10), 200 S. ISBN 978-2-87985-161-7 (Katalog vun der Ausstellung am Nationalmusée fir Geschicht a Konscht vum 20. Oktober 2011 bis den 2. September 2012.)

Um Spaweck[änneren | Quelltext änneren]

Notten[Quelltext änneren]

  1. Cf. Mémorial A Nr. 162: 2854-2855 vum 02.08.2011 Link op d'Résuméssäit vum Memorial A
  2. Virdrun, tëschent 2008 an 2011, goufe Bäiträg vum CNRA an der Serie vum Nationalmusée fir Geschicht a Konscht, Empreintes – Annuaire du Musée national d'histoire et d'art, eraus.