Couleurs Gérard

Dësen Artikel iwwer eng Entreprise ass eréischt just eng Skizz. Wann Dir méi iwwer dëst Theema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir beim Schreiwen Hëllef braucht, da luusst bis an d'FAQ eran.

Couleurs Gérard
Typ	SARL
Grënnungsdatum	1843
Sëtz	15, rue de Grass 8378 Klengbetten
Produit	Faarf

Reklamm vun 1968

… a vun 1970

Couleurs Gérard sàrl ass eng lëtzebuergesch Entreprise déi Faarf fabrizéiert.

Geschicht

Couleurs Gérard gouf 1843 zu Ettelbréck vum Usträichermeeschter Johann Gérard gegrënnt. Ënnert sengem Bouf Jakob huet d'Firma vun 1893 un och als Grosist am Raum Tréier an am Loutrengesche geschafft.

1916 ass eng Faarwefabrick vu ronn 4.000 m² zu Ettelbréck opgeriicht ginn, ier se 1923 op Klengbetten verluecht gouf. 1964 ass d'Klengbettener Fabrick vergréissert ginn.

Den 28. Januar 1976 gouf d'Firma als Sàrl gegrënnt.

1987 krut Couleurs Gérard den Ëmweltpräis vun der FEDIL fir d'Entwécklung vun engem Lack op Waasserbasis.

Produkter

Auswiel aus der…

Gamm vun 1936:

• Gekalin: Mineralfaarf fir grouss Flächen (Schoulen, Kierchen, …)
• Titanos: Faarf als Schutz géint de Rascht
• Aluminiumfaarf fir Heizkierper
• Emailfaarf fir Heizkierper
• Emailfaarwen fir bannen a baussen

Gamm vun 1961:

• Peint-Beau: Uelegfaarf fir den Hausgebrauch
• Cekalor a Gelatex: Latexfaarwe fir de Plaffong, d'Wänn, d'Fassad asw.
• Secolux: wäisse Lack fir d'Kichen, d'Buedzëmmer, Fënsteren, asw.
• Seccovite: syntheetesche Lack fir Gaardemiwwelen, Fënsteren, Autoen, asw.
• Agricolac: Lack fir landwirtschaftlech Maschinnen

Gamm vun 1977:

• Fassadefaarwen:
  • Geradur
  • Geracryl
  • Gelatex
  • Geraplast

Um Spaweck

Commons: Couleurs Gérard – Biller, Videoen oder Audiodateien

• Couleurs Gérard op industrie.lu

Referenzen an Notten

• Quell wou net anescht uginn: industrie.lu (kuckt: Um Spaweck)