Division Anti-Crise
(Virugeleet vu(n) Division anti-crise)
D'Division Anti-Crise, kuerz DAC genannt, war eng Ariichtung, déi am Oktober 1975 vun de lëtzebuergesche Stolentreprisen, Arbed an MMRA gegrënnt gouf, fir do déi Leit ënnerzebréngen, déi bei hinne geschafft hunn, mä an der Stolindustrie net méi gebraucht goufen.
1977 waren dat der ronn 2.700, de Rekord louch am Oktober 1982 bei 3.850 Leit.
Tëscht 1976 an 1982 huet d'DAC d'Stolentreprisë 5,1 Milliarde Frang kascht, wouvun de Staat der 1,6 Milliarde am Kader vum Gesetz iwwer d'Travaux extraordinnaires d'intérêt général ("Noutstandsaarbechten") iwwerholl huet, andeems en d'Leit agesat huet, fir gemengnëtzeg Aarbechten ze maachen.