Eugène Nickels
 |
Dësen Artikel iwwer e Politiker ass eréischt just eng Skizz. Wann Dir méi iwwer dëst Theema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir beim Schreiwen Hëllef braucht, da luusst bis an d'FAQ eran. |
| Eugène Nickels | |
|---|---|
| Gebuer |
15. September 1891 Arel |
| Gestuerwen |
11. Oktober 1961 Luerenzweiler |
| Nationalitéit | Lëtzebuerg |
| Aktivitéit | Politiker |
| Fonctioun | Buergermeeschter |
 | |
Den Eugène Nickels (genannt Berens Ugen[1]), gebuer de 15. September 1891 zu Arel[2], a gestuerwen den 11. Oktober 1961 zu Luerenzweiler[3], war e lëtzebuergesche Lokalpolitiker.
Vu Beruff war den Eugène Nickels Aarbechter, zum Schluss Viraarbechter, op der Dummeldenger Schmelz, wou hie vun 1911 u 43 Joer geschafft huet. Hie war och bis kuerz viru sengem Doud 27 Joer laang Koschter an der Parkierch vu Luerenzweiler.[1]
1935 gouf hien eng éischt Kéier an de Gemengerot vu Luerenzweiler gewielt, an zanterhier all Kéiers erëmgewielt. Hie war vun 1946 bis zu sengem Doud, 1961, Buergermeeschter vun där Gemeng.[1]
Fir un hien z'erënneren, gouf zu Luerenzweiler eng Strooss, d'Rue Eugène-Nickels[4], no him genannt.
Referenzen
[Quelltext änneren]- 1 2 3 "In memoriam Bürgermeister Eugène Nickels". In: Luxemburger Wort, 114. Jg., n° 291 (18.10.1961), p. 4. [Digitised by the National Library of Luxembourg].
- ↑ Den Eugène Nickels op www.luxracines.lu
- ↑ "Avis de décès 2 Page 11". In: Luxemburger Wort, 114. Jg., n° 286 (13.10.1961), p. 11 [Digitised by the National Library of Luxembourg].
- ↑ L-7377.