FC Monnerech

FC Monnerech

Offiziellen Numm:

Football Club
Mondercange

Grënnung:

1933

Stadion:

Stade Communal,
Monnerech

Plazen:

3 304

President:

José Dhur

Trainer:

Dinis De Sousa
(zanter August 2022)

Liga:

Foussball BGL League

Saison:

2023/2024

Positioun:

BGL League, 12. Plaz

Éischt Uniform

Zweet Uniform

Ersatzuniform

Den FC Monnerech (offiziell F.C. Mondercange) ass e lëtzebuergesche Foussballclub vu Monnerech a gouf 1933 gegrënnt.

De Veräi spillt seng Matcher am Stade Communal zu Monnerech. De Stade huet Plaz fir 3 304 Leit dovu sinn 254 Sëtzplazen a 50 Stéiplaze gedeckt.

Éischt Seniorsekipp

D'éischt Seniorsekipp vu Monnerech huet an den 80er Joren nach an der zweeter, 1985/86 souguer nach drëtter Divisioun gespillt. Vun uganks der 90er un ass et dunn -mat e puer Réckschléi- de Bierg op gaangen. Nodeem den Opstig 1989/90 an d'éischt Divisioun gepackt war, klemmt Monnerech schonn an der Saison drop (1990/91) an d'Éierepromotioun, ka sech do awer net behaapten a fält direkt erëm eraus.

Tëscht 1994/95 an 1997/98 sinn déi Monnerecher nees an der Éierepromotioun a vun 1998/99 bis 2003/04 spillt de Club fir d'éischt Kéier an der Veräinsgeschicht an der Nationaldivisioun.

Enn der Saison 2005/06 gewënnt Monnerech als Drëttplazéierten aus der Éierepromotioun de Barragematch géint de Leschten aus der Nationaldivisioun, den Avenir Beggen, mat 3-2 (no Verlängerung) an ass domat avancéiert. Monnerech konnt sech awer net halen a spillt 2007/08 nees zweetklassesch. 2009/10 war den FC Monnerech du nees éischtklassëg, konnt awer um Enn vun der Saison d'Klass leider net halen.

Nationale Palmarès

Coupe de Luxembourg:

Finalist (2x): 1999, 2000

Europäesch Kompetitiounen

Saison	Kompetitioun	Ronn	Land	Club	Resultat
1999/00	UEFA Cup	Q		Dinamo Bukarest	2-6, 0-7

{{{1}}}

Dammenekipp

Monnerech war ee vun den éischte Veräiner am Land déi eng Dammenekipp hat. D'Ekipp gouf 1975/76 Champion am Dammechampionat. Am Ament (Abrëll 2007) huet de Club keng Dammenekipp ugemellt.

Nationale Palmarès

Lëtzebuerger Champion:

Champion (1x): 1976
Vizechampion (1x): 1985

Veräiner an der Foussball Éierepromotioun 2019/20