Fan

Vu Wikipedia
Wiesselen op: Navigatioun, sichen

E Fan [ˈfɛn] (englesch fan [ˈfæn], vun fanatical = fanatesch) ass e begeeschterten Unhänger vun enger Persoun, enger Grupp vu Persounen oder enger Saach. D'Wuert "Fan" ass aus dem Engleschen a méi Sproochen iwwerdroe ginn. Organiséiert Fans fanne sech dacks a Fanclibb zesummen.

Ausprägungen[änneren | Quelltext änneren]

De Phenomen "Fan" gëtt et besonnesch prononcéiert a folgende Beräicher:

Sport[änneren | Quelltext änneren]

Fans vun engem Sportler, engem Sportveräin oder enger Sportaart, wéi z. B. Foussballfans. Am Beräich Sport (besonnesch bei der Sportart Foussball) ass de Begrëff zousätzlech ofzegrenze mat:

  • Bei Sportveräiner gi Fans, déi d'Compétitioune vun hirer Mannschaft besichen, och dacks Schlachtenbummler genannt. Fir d'Kommunikatioun mat der Mannschaft an aneren Spectateuren benotzen se Fangesäng.
  • Gewaltbereet Fans ginn dacks als Hooligans bezeechent, déi z. B. Sporteevenementer als Plattform mëssbrauchen.
  • Eng weider Ënnergrupp vu Fans sinn d'Ultraen.
  • Den italienesche Begrëff Tifosi betitelt och e Fan oder Unhänger a gëtt dacks als Synonym fir d'italienesch Fans bei enger Sportveranstaltung benotzt. D'Wuert Tifosi staamt vun der Krankheet Typhus, déi onbehandelt zu héijem Féiwer féiert, sou wéi den Tifoso als Foussballfan deen um Foussballféiwer leit.

Musek[änneren | Quelltext änneren]

Besonnesch an der Popmusek: Fans vun enger Band, engem Sänger, Museker, DJ asw.

Théater, Film a Fernseh[änneren | Quelltext änneren]

Fans vum Theater an/oder dem Film allgemeng, bzw. vu bestëmmten Theateren, Filmer, Fernsehserien, Moderatoren, Regisseuren oder Schauspiller.

Konscht[änneren | Quelltext änneren]

Fans vun engem Kënschtler. Am Beräich Konscht geet amplaz vu Fan och dacks vun engem Amateur riets. Speziell Ausprägungen sinn hei:

All d'Fans vun engem kënschtleresche Wierk ginn als Fan-Gemeng oder Fandom bezeechent.

Konsum[änneren | Quelltext änneren]

Am Beräich Konsum gëtt et Fans vun engem Liewensstil, Fans vu Marken, Fans vu Produiten mat "Kultstatus" etc.

  • Den Anglizismus Fanboy (Fangirl) ass d'Bezeechnung fir e fanateschen Unhänger vun engem Produit oder Produzent. Dësen Ausdrock gëtt z. B. dacks fir iwwerzeegt Benotzer vun engem Betribssystem oder enger Spillkonsol benotzt.

Kuckt och[änneren | Quelltext änneren]

Commons: Sports supporters – Biller, Videoen oder Audiodateien