Gato Barbieri

Gato Barbieri
Gebuer	28. November 1932 Rosario
Gestuerwen	2. Abrëll 2016 New York
Doudesursaach	Longenentzündung
Nationalitéit	Argentinien
Aktivitéit	Komponist, Filmkomponist

De Leandro J. "Gato" Barbieri, gebuer den 28. November 1932 zu Rosario, an Argentinien, a gestuerwen den 2. Abrëll 2016 zu New York, war en argentineschen Jazzmuseker (Tenorsaxophon) a Filmmusekkomponist.

Hien huet zu Buenos Aires Musek studéiert a vun 1953 bis 1962 am Lalo Schifrin sengem Orchester gespillt. Dono goung en an Europa (fir d'éischt op Roum), wou e mam Ted Curson, Jim Hall a vun 1965 u mam Don Cherry zesummegeschafft huet. 1967 goung e mam Cherry op New York, wou en an der Free-Jazz-Avantgarde mat Ensembele wéi dem Jazz Composer's Orchestra oder dem Liberation Music Orchestra vum Charlie Haden gespillt huet. Ëm 1970 huet hie sech méi mat der latäinamerikanescher Musek beschäftegt (ë. a. der afrobrasilianescher Musek) mat hire ville verschiddene Rhythmen, déi e mam Jazz vermëscht huet. Albumen aus där Zäit sinn The Third World (1970), Fenix (1971), El Pampero (1972) a Bolivia (1973). De Gato Barbieri huet och am Carla Bley sengem Oratorium Escalator over the Hill matgemaach, a bei Opname vun hirer Suite A Genuine Tong Funeral mam Gary Burton Quartet an dem Jazz Composers' Orchestra. 1972 huet de Barbieri d'Filmmusek fir dem Bernardo Bertolucci säin Ultimo tango a Parigi geschriwwen, wuerfir en e Grammy gewonnen huet.

Zënter dem Enn vun den 1970er spillt hien eng Mëschung aus modernem Jazz a Popmusek, z. B. mam Carlos Santana (Europa).

Discographie (Auswiel)

Gato Barbieri, 1999

• In Search of the Mystery (ESP-Disk, 1967) mam Sirone, Calo Scott, Bobby Kapp
• Gato Barbieri / Dollar Brand Hamba Khale (Fuel, 1968)
• Under Fire (RCA Victor, 1969) mam John Abercrombie, Stanley Clarke, Roy Haynes, Airto Moreira
• The Third World (1969)
• El Pampero (Impulse, 1971)
• Fenix (RCA/Flying Dutchman, 1971) mam Lonnie Liston Smith, Lenny White, Ron Carter, Naná Vasconcelos
• El Gato (Flying Dutchman AYL1-3817 1971)
• Last Tango in Paris (United Artists, 1972; arrangéiert vumOliver Nelson)
• Bolivia (RCA, 1973) mam Jean-François Jenny-Clark
• Chapter One: Latin America (Impulse!, 1973)
• Chapter Two: Hasta siempre (Impulse!, 1973)
• Chapter Three: Viva Emiliano Zapata (Impulse!, 1974)
• Chapter Four: Alive in New York (Impulse!, 1975)
• Caliente (A & M, 1978)
• Euphoria (A & M, 1979)
• Bahia (Fania, 1982)
• The Shadow of the Cat (Peak, 2002)

Filmmusek

• 1970: Na boca da noite
• 1972: Ultimo tango a Parigi
• 1975: La guerra del cerdo
• 1979: Firepower
• 1982: Stranger’s Kiss
• 1996: Seven Servants