Georg Büchner

Vu Wikipedia
Georg Büchner
Gebuer 17. Oktober 1813
Gestuerwen 19. Februar 1837
Zürich
Doudesursaach Typhus
Educatioun Justus-Liebig-Universität Gießen
Aktivitéit Iwwersetzer, Dramatiker, Dichter, Naturalist, Revolutionär, Schrëftsteller, Philosoph, Dokter
Famill
Geschwëster Alexander Büchner

De Karl Georg Büchner, gebuer de 17. Oktober 1813 zu Goddelau, am Groussherzogtum Hessen, a gestuerwen den 19. Februar 1837 zu Zürich, war en däitsche Schrëftsteller, Medezinner, Naturwëssenschaftler a Revolutionär.

Hie gëllt als ee vun de bedeitendste Schrëftsteller vum Vormärz, an dat, obwuel e scho mat 23 Joer gestuerwen ass a just e puer Wierker publiziéere konnt.

De Georg Büchner war de Jong vun engem Dokter, an huet Medezin studéiert. Fir d'éischt, vun 1831 bis 1833, zu Stroossbuerg, wou hien och d'politescht Klima vun der Juli-Revolutioun materlieft a sech vun dësen Iddien inspiréiere gelooss huet. 1833 ass hien nees an Hessen zeréckgaangen, an zwar op Gießen, fir do virunzestudéieren. Hie war awer net zefridden do, den autoritäre politesche System, an d'bornéiert Léier hunn him net gefall, en hat gesondheetlech Problemer, a war flemmzeg, well e wäit ewech vu senger Frëndin vu Stroossbuerg war. Hien huet do mat aneren d'Gesellschaft für Menschenrechte gegrënnt, eng Geheimorganisatioun no franséischem Virbild, där hiert Zil et war, déi politesch Verhältnesser ëmzestierzen. En hat awer net vill Succès dermat. 1834 huet hien den Hessische Landbote heemlech publizéiert, e Fluchblat, dat mat der Paroll „Friede den Hütten! Krieg den Palästen!“ d'hessesch Landbevëlkerung opgeruff huet, sech géint d'Ënnerdréckung ze revoltéieren, an an där en Zuele publizéiert huet, fir ze beweisen, wéi d'Steiersue vun de Bauere vum groussherzoglechen Haff verbëtzt géife ginn. De Büchner gouf verdächtegt, derhannert ze stoen, an ass, ier e festgeoll gouf, op Stroossbuerg geflücht. Virdrun hat hien Dantons Tod geschriwwen, am Hoffes, sou u Suen ze kommen, fir säin Exil ze finanzéieren.

Am Wanter 1835/36 huet hie weider studéiert, a seng Dissertatioun Abhandlung über das Nervensystem der Barbe ((Cyprinus Barbus, eng Fëschaart) geschriwwen. Hie gouf dopropshin an d'Gesellschaft für Naturwissenschaft zu Stroosbuerg opgeholl. Hien huet déi Thees och zu Zürich presentéiert a gouf do 1836 zum Doktor der Philosophie ernannt. Hie konnt do 1836/37 ee Semester laang Course ginn, ass awer am Februar 1837 un Typhus erkrankt an dorun den 19. Februar gestuerwen.

Wierker[änneren | Quelltext änneren]

No sengem Doud huet de Fritz Bergemann Sämtliche Werke und Briefe erausginn. Tëscht 2000 an 2012 koum, an 10 Bänn, d'Historisch-kritische Ausgabe der Sämtlichen Werke und Schriften Georg Büchners zu Marburg eraus.

De Georg-Büchner-Präis, e bedeitende Literaturpräis am däitschsproochege Raum, ass no him genannt ginn.

Literatur[änneren | Quelltext änneren]

Wierkeditiounen[änneren | Quelltext änneren]

  • Georg Büchner: Sämtliche Werke und Briefe – Historisch-kritischen Ausgabe mit Kommentar, herausgegeben von Werner R. Lehmann, Hanser, München 1979, ISBN 3-446-11673-7.
  • Georg Büchner: Werke und Briefe – Nach der historisch-kritischen Ausgabe von Werner R. Lehmann, Kommentiert von Karl Pörnbacher, Nachwort von Werner R. Lehmann, Hanser, München 1980, ISBN 3-446-12883-2.
  • Georg Büchner: Sämtliche Werke, herausgegeben von Henri Poschmann, Insel, Frankfurt am Main 2002, ISBN 3-458-06653-5.
  • Georg Büchner: Sämtliche Werke und Schriften. Historisch-kritische Ausgabe mit Quellendokumentation und Kommentar. Marburger Ausgabe, 10 Bände, herausgegeben von Burghard Dedner, Thomas Michael Mayer. Wissenschaftliche Buchgesellschaft, Darmstadt 2000–2012, ISBN 3-534-14520-8.

Sekundärliteratur[änneren | Quelltext änneren]

  • Theo Buck: Büchner-Studien (Zwei Bände), Rimbaud, Aachen 1990 und 2000:
  • Georg Büchner. Revolutionär – Dichter – Wissenschaftler (1813–1837). Katalog der Ausstellung Mathildenhöhe, Darmstadt, vom 2. August bis 27. September 1987, Stroemfeld/Roter Stern, Basel / Frankfurt am Main 1987, ISBN 3-87877-279-3.
  • Georg Büchner. Hrsg. von Barbara Neymeyr. Wissenschaftliche Buchgesellschaft, Darmstadt 2013 (Neue Wege der Forschung). ISBN 978-3-534-24527-7.
  • Dietmar Goltschnigg (Hrsg.): Georg Büchner und die Moderne. Texte, Analysen, Kommentar:
  • Jan-Christoph Hauschild: Georg Büchner – Biographie, Metzler, Stuttgart / Weimar 1993, ISBN 3-548-26505-7.
  • Jan-Christoph Hauschild: Georg Büchner, Rowohlt, Reinbek bei Hamburg 1993, ISBN 3-499-50670-X (= rowohlts monographien, Band 503).
  • Frederik Hetmann: Georg B. Die Geschichte des Dichters & Revolutionärs Georg Büchner. Betz & Gelberg, Weinheim/Basel 1981, ISBN 3-407-80631-0.
  • Michael Hofmann, Julian Kanning: Georg Büchner. Epoche - Werk - Wirkung, C.H.Beck, München 2013, ISBN 978-3-406-65540-1.
  • Jan-Christoph Hauschild: Georg Büchner. Verschwörung für die Gleichheit. Hoffmann und Campe, Hamburg 2013, ISBN 978-3-455-50184-1
  • Gerhard P. Knapp: Georg Büchner 3. Auflage, Metzler, Stuttgart 2000, ISBN 3-476-13159-9 (= Sammlung Metzler, Band 159).
  • Hermann Kurzke: Georg Büchner. Geschichte eines Genies. C.H.Beck, München 2013, ISBN 978-3-406-64493-1.
  • Ariane Martin: Georg Büchner, Reclam, Stuttgart 2007, ISBN 978-3-15-017670-2.
  • Hans Mayer: Georg Büchner und seine Zeit, 8. Auflage, Suhrkamp-TB 58, Frankfurt am Main 1992 (Erstausgabe Limes, Wiesbaden 1946), ISBN 3-518-36558-4.
  • Christian Milz: Georg Büchner. Dichter, Spötter, Rätselsteller. Passagen, Wien 2012, ISBN 978-3-7092-0053-7.
  • Corinna Nauheimer: Georg Büchner als Rebell. Revolutionäre Ideen wärend der Studienzeit in Gießen 1833/34. Grin, München 2010, ISBN 978-3-640-60879-9.
  • Christian Neuhuber: Georg Büchner. Das literarische Werk, Erich Schmidt, Berlin 2009, ISBN 978-3-503-09889-7.
  • Henri Poschmann (Hrsg.): Wege zu Georg Büchner. Internationales Kolloquium der Akademie der Wissenschaften (Berlin-Ost). Peter Lang, Berlin 1992, ISBN 3-86032-004-1.
  • Henri Poschmann: Georg Büchner. Dichtung der Revolution und Revolution der Dichtung, Aufbau, Berlin / Weimar 1983, ISBN 3-351-01267-5.

Um Spaweck[änneren | Quelltext änneren]

Commons: Georg Büchner – Biller, Videoen oder Audiodateien