Greta Garbo
| Greta Garbo | |
|---|---|
 am Film "Wild Orchids" (1929) | |
| Gebuertsnumm | Greta Lovisa Gustafsson |
| Gebuer | 18. September 1905 |
| Gestuerwen |
15. Abrëll 1990 New York |
| Doudesursaach | Longenentzündung |
| Nationalitéit | Schweden, USA |
| Aktivitéit | Schauspiller, Filmschauspiller, Theaterschauspiller |
 | |
D'Greta Garbo, gebuer als Greta Lovisa Gustafsson den 18. September 1905 zu Stockholm a gestuerwen de 15. Abrëll 1990 zu New York, war eng schweedesch Filmschauspillerin. Si war eng vun den emblemateschsten Hollywood-Staren aus Zäit vum Stommfilm an der klassescher Zäit vun den 1930er Joren. D'Garbo gouf dräimol fir den Oscar als bescht Schauspillerin nominéiert a krut 1954 den Éieren-Oscar fir hir "liichtend an onvergiesslech Performancen um Ecran." Am ganzen huet si bannent 17 Joer 28 Filmer gedréit.
Si huet hir Carrière 1924 mat enger Nieweroll am schweedesche Film The Saga of Gosta Berling ugefaangen. De Louis B. Mayer, Chef vun der Metro Goldwyn Mayer (MGM) gouf doranner op si opmierksam, an huet se 1925 op Hollywood bruecht; direkt mat hirem éischte Film Torrent (1926) krut si vill Opmierksamkeet, a mat hirer Interpretatioun an hirem drëtte Film, Flesh and the Devil, dat Joer drop, gouf si en internationale Star.
Den éischten Tounfilm vun der Garbo war Anna Christie (1930), dee mam Slogan "Garbo talks!" lancéiert gouf. Direkt duerno koum Romance, a fir di zwéi Filmer gouf si gläich fir den Oscar nominéiert. Dëse Succès huet et hir erlaabt, bei der Wiel vu Rollen an Dréibicher e wichtegt Wuert matschwätzen ze kënnen. Hir Interpretatioun vun der Haaptroll am Film Camille (eng Verfilmung vum Roman La dame aux camélias) gëtt vu ville Kritiker als déi bescht aus där Period ugesinn. Si krut dofir eng zweet Oscar-Nominéierung. No e puer weidern dramatesche Filmer huet d'Garbo 1939 an der Comédi Ninotchka vum Ernst Lubitsch d'Haaptroll gespillt, wat hir eng drëtt Nominéierung fir den Oscar abruecht huet. Eng weider Comédie war Two-Faced Woman (1941), hire leschte Film.
1941 huet si sech aus dem Schauspillliewen, mat just 36 Joer, zeréckgezunn. All Propos spéiderhin, nach eng Kéier e Film ze dréien, huet si refuséiert. Si huet zeréckgezunn gelieft, war net bestuet, hat keng Kanner, an huet sech virun allem fir hir Konschtsammlung begeeschtert, déi, no hirem Doud, Millioune wäert war.
Filmographie
[änneren | Quelltext änneren]| Joer | Titel | Roll | Note |
|---|---|---|---|
| 1920 | Herr och fru Stockholm | Eeler Schwëster | |
| 1921 | Konsum Stockholm Promo | Actrice | Kuerzfilm |
| 1921 | En Lyckoriddare | Aarbechterin | |
| 1922 | Kärlekens ögon | Statisteroll | |
| 1922 | Luffar-Petter | Greta | |
| 1924 | Gösta Berlings Saga | Elizabeth Dohna | |
| 1925 | Die freudlose Gasse | Greta Rumfort | |
| 1926 | Ibáñez' Torrent | Leonora Moreno, genannt La Brunna | |
| 1926 | The Temptress | Elena | |
| 1926 | Flesh and the Devil | Felicitas | |
| 1927 | Love | Anna Karenina | |
| 1928 | The Divine Woman | Marianne | |
| 1928 | The Mysterious Lady | Tania Fedorova | |
| 1928 | A Woman of Affairs | Diana Merrick Furness | |
| 1929 | Wild Orchids | Lillie Sterling | |
| 1929 | The Single Standard | Arden Stuart Hewlett | |
| 1929 | The Kiss | Irene Guarry | |
| 1930 | Anna Christie | Anna Christie | |
| 1930 | Romance | Madame Rita Cavallini | |
| 1931 | Anna Christie | Anna Christie | |
| 1931 | Inspiration | Yvonne Valbret | |
| 1931 | Susan Lenox (Her Fall and Rise) | Susan Lenox | |
| 1931 | Mata Hari | Mata Hari | |
| 1932 | Grand Hotel | Grusinskaya | |
| 1932 | As You Desire Me | Zara aka Maria | |
| 1933 | Queen Christina | Queen Christina | |
| 1934 | The Painted Veil | Katrin Koerber Fane | |
| 1935 | Anna Karenina | Anna Karenina | |
| 1936 | Camille | Marguerite Gautier | |
| 1937 | Conquest | Countess Marie Walewska | |
| 1939 | Ninotchka | Nina Yakushova 'Ninotchka' Ivanoff | |
| 1941 | Two-Faced Woman | Karin Borg Blake |
Um Spaweck
[änneren | Quelltext änneren]| Commons: Greta Garbo – Biller, Videoen oder Audiodateien |
