Groussherzog

Vu Wikipedia
Op d'Navigatioun wiesselen Op d'Siche wiesselen
De Groussherzog Henri vu Lëtzebuerg

Groussherzog ass en Adelstitel deen an der Rangfolleg vun den Adelstitele fir Fürsten am Rang just ënner dem Keeser oder Kinnek steet an iwwer demHerzog an et ass den Titel vum Monarch vun engem Groussherzogtum.

Ierfgroussherzog ass den Titel vum designéierten Nofolger.

Déi weiblech Form vum Titel ass Groussherzogin respektiv Grande-Duchesse. Deen Titel huet eng Monarchin vun engem Groussherzogtum oder, wéi zu Lëtzebuerg oder an anere Groussherzogtemer d'Fra vum Groussherzog. A Russland war et an der Zäit vun den Zaren den Titel vun de keeserleche Prinzessinnen.

An Europa gouf et bis an d'19. Joerhonnert en etlech Groussherzogen. Haut ass Lëtzebuerg dat eenzegt Land op der Welt mat engem Groussherzog als Staatschef.

De Groussherzog vu Lëtzebuerg[änneren | Quelltext änneren]

Nuvola apps xmag.png Méi Informatioun doriwwer am Artikel: Groussherzog vu Lëtzebuerg

Lëtzebuerg ass zanter 1815 e Groussherzogtum. Der Lëtzebuerger Konstitutioun no (cf. Art. 33) ass de Groussherzog de Staatschef, Symbol vu senger Eenheet a Garant vun der nationaler Onofhängegkeet. Hien übt zesumme mat der Regierung d'exekutiv Gewalt entspriechend der Konstitutioun an de Gesetzer vum Land aus.

Den Henri vu Lëtzebuerg ass den aktuelle Groussherzog vu Lëtzebuerg.

Literatur[änneren | Quelltext änneren]

  • Albert Calmes, Au fil de l'histoire II; Lëtzebuerg (Sankt Paulus), 1988 (3. Oplo); vgl. d'Ss. 18-22 : Comment le Luxembourg devint "Grand-Duché", an d'Ss. 23-26 : Les autres grands-duchés.

Um Spaweck[änneren | Quelltext änneren]

Commons: Groussherzogen – Biller, Videoen oder Audiodateien