Hôtel du Parc Esch-Uelzecht
 De fréieren Hotel du Parc mat den Haiser niewendrun. | |
| Land | Lëtzebuerg |
|---|---|
| Plaz | Esch-Uelzecht, Eck rue Xavier Brasseur / rue Zénon-Bernard |
| Koordinaten | 05° 58’ 48.8’’ E 49° 29’ 34.1’’ N |
| Baustil | Art Deco |
| Architekt(en) | Louis Rossi |
| Datum vum Bau | 1929/30 |
| Proprietär | privat |
 | |
Den Hôtel du Parc war fréier en Hotel zu Esch-Uelzecht. D'Gebai, an deem haut ënnenan eng Agence vun enger Assurancegesellschaft ass, steet um Eck vun der Zénon-Bernard- an der Xavier-Brasseur-Strooss, vis-à-vis vun der Post.
Et gouf 1929/30, no Pläng vum Architekt Louis Rossi gebaut, zesumme mat dräi Nopesch- Wunn- a Geschäftshaiser - eent lénks an zwee riets dovun. Bauhär war den Entreprener Antonio Caffaro.[1] Den Ensembel ass am Art Deco-Stil. Opfälleg ass d'Kuppel, déi den ofgeronnten Eck vum Gebai domiéiert, an de Mëttelpunkt vum ganze Gebaier-Ensembel ass. Den Eck ass vun zwéi Risalitte flankéiert, déi hirersäits no uewen hi mat Mansardes-Fënstern am Hallefbou ofgeschloss sinn. An der Fassad aus Sandsteen si stiliséiert vegetalesch Ornamenter ënner a ronderëm Balconen a Fënsteren ze gesinn.
Den Hotel a Restaurant gouf uganks vun den 1990er Joren un d'Banco di Napoli verkaaft. Déi gouf hirersäits an den 2000er Joren duerch eng Assurancen-Agence ersat.
Biller
[änneren | Quelltext änneren]-
-
Ornamenter un der Fassad (Detail). -
-
-
Literatur
[änneren | Quelltext änneren]- Antoinette Lorang: "Ornamental bis in den Klingelknopf: Das ehemalige Hôtel du Parc im Art Déco-Stil." In: Antoinette Lorang, Denis Scuto: L maison d'en face - Das Haus gegenüber. Esch-sur-Alzette: Éditions Le Phare, 1995, S. 127-130.
Um Spaweck
[änneren | Quelltext änneren]| Commons: Former Hotel du Parc in Esch-sur-Alzette – Biller, Videoen oder Audiodateien |
Referenzen
[Quelltext änneren]- ↑ Lorang an der Literatur.