Joe Dassin

Joe Dassin
Joe Dassin
Gebuertsnumm	Joseph Ira Dassin
Gebuer	5. November 1938; Brooklyn
Gestuerwen	20. August 1980; Papeete
Doudesursaach	Häerzschlag
Nationalitéit	USA, Frankräich
Aktivitéit	Sänger, Liddermécher, Gittarist, Museker
Famill
Papp	Jules Dassin
Geschwëster	Julie Dassin

De Joseph Ira Dassin, gebuer de 5. November 1938 zu New York a gestuerwen den 20. August 1980 zu Papeete, op Tahiti, war e franséische Chanson-Sänger.

Seng Eltere waren de Filmregisseur Jules Dassin an d'Violinistin Béatrice Launer. No sengem Studium op der University of Michigan zu Ann Arbor ass hien 1962 op Paräis zeréckgaangen, wou e schonn als Jugendleche gelieft hat, an huet do bei RTL Radio geschafft. 1965 koum seng éischt Single, Je change un peu de vent, eraus.

Säi gréisste Succès hat de Joe Dassin um Ufank vun den 1970er-Joren, mat Lidder wéi Les Champs-Élysées, Ma Musique, L'été indien, La fleur aux dents a Ça va pas changer le monde.