Jonathan Hill

Jonathan Hill
Gebuertsnumm	Jonathan Hopkin Hill
Gebuer	24. Juli 1960 London
Nationalitéit	Vereenegt Kinnekräich
Educatioun	Trinity College
Aktivitéit	Politiker, Schrëftsteller, Geschäftspersoun, Biograph
Partei	Konservativ Partei

Den Jonathan Hill, Baron Hill of Oareford, gebuer de 24. Juli 1960 zu London, ass e brittesche konservative Politiker.

Vun 2013 bis 2014 war hie Leader vum House of Lords an Chancellor of the Duchy of Lancaster ënner dem Premier David Cameron.

Hie gouf den 10. September 2014 zum Kommissär an der Europäescher Kommissioun ënner der Presidence vum Jean-Claude Juncker ernannt, responsabel fir d'Finanzstabilitéit, Finanzservicer a Kapitalmäert. Den 1. November huet hie säin Amt ugetrueden.

De 25. Juni 2016 huet den Jonathan Hill säi Récktrëtt fir de 15. Juli dat Joer ugekënnegt, nodeems eng Majoritéit vun de brittesche Wieler beim sougenannte Brexit-Referendum dofir gestëmmt hat, datt Groussbritannie soll aus der EU austrieden. De Valdis Dombrovskis huet säi Portefeuille bannent der Kommissioun iwwerholl.

Auszeechnungen

• 2010: Barong am Peerage of the United Kingdom op Basis vum Life Peerages Act (1958)
• 1995: Commandeur vum Order of the British Empire (1995).

Kuckt och

• Kommissioun Juncker

Um Spaweck

• (en) Biographie op Debrett's People of Today