Kathedral Notre-Dame vu Paräis

Thumb

Dësen Artikel ass eréischt just eng Skizz iwwer eng Kierch oder Kapell. Wann der méi iwwer dëst Theema wësst, sidd der häerzlech invitéiert aus dëse puer Sätz e richtegen Artikel ze schreiwen. Wann dir Hëllef braucht beim Schreiwen, da luusst bis an d'FAQ eran.

D'Westfassad vun der Kathedral (2014)

Uertschaft / Plaz

Paräis

Numm / Patréiner

Muttergottes

Baujoer

1163 - 1345

Koordinaten

48° 51’ 11’’ N
02° 20’ 59’’ O

Kierchen - Kapellen

D'Kathedral Notre-Dame vu Paräis steet op der Île de la Cité, am 4. Arrondissement vu Paräis an ass eng vun de fréiste gotesche Kathedrale vu Frankräich. Virum Bau vum Eiffeltuerm war d'Notre-Dame de Paris den Haaptsymbol vum ganze Land. D'Paräisser Kathedral ass eng notabel mëttelalterlech Architekturierfschaft; se zielt zënter 1991 zum UNESCO-Weltkulturierwen.

Si ass der Muttergottes geweit. De Bau gouf am Joer 1163 ënner dem Bëschof Maurice de Sully ugefaangen, a gouf eréischt 1345 fäerdeg.

D'Kiercheschëff miesst 130 op 48 Meter bei enger Héicht vu 35 Meter. Mam Duxall huet Notre-Dame Plaz fir 10.000 Leit. Déi zwéin Tierm sinn 69 Meter héich, den Daachreider 93 Meter.

Bei engem Groussbrand de 15. a 16. Abrëll 2019 sinn den Daachstull an den Daachreider vun der Kathedral komplett zerstéiert ginn, an et goufe Schied um Verwëllef. Et gouf decidéiert, déi zerstéiert Elementer originalgetrei nees opzebauen an och de Rescht vum Gebai ze renovéieren. D'Feierlechkeete fir d'Reouverture vun der Kathedral waren de 7. Dezember 2024.^[1]