Keelbaach

Keelbaach

De renaturéierten Deel vun der Keelbaach op der Héicht vum Park Ouerbett zu Keel
Längt	17,97 km
Debit	0,05 m³/s
Originn
Originn	Quell
Plaz	Aumetz
Héicht	380 m
Konfluenz
Leeft an	Uelzecht
Plaz	Hueschtert Hunchereng
Héicht	273 m
Koordinaten	49° 30’ 52.37’’ N       06° 03’ 52.70’’ O

D'Keelbaach ass eng Baach, déi duerch Frankräich a Lëtzebuerg leeft.

Hir Quell ass hautdesdaags administrativ zu Aumetz lokaliséiert, op enger Héicht vu ronn 380 Meter. Vun do leeft se no Osten, duerch de Fonds de Pierreuse an Direktioun Nonkeel, wou se am Dall da praktesch e rechte Wénkel an Direktioun Ëtteng mécht. Well awer praktesch all d'Waasser aus hirem ieweschte Laf am karstege Kaleksteen an an de Galerien aus der Géigend versickert, entspréngt d'Keelbaach quasi eng zweet Kéier bei Nonkeel, wou eng Pompelstatioun Waasser aus der Grouf Ëtteng II pompelt. Ier d'Minièren zougemaach hu gouf se vun dräi Pompelstatiounen zu Ëtteng, an e puer anerer vun Aumetz, Tressange a Bure gefiddert.

Bei der Grenzmaark FL85 tëscht Rëmeleng an Ëtteng kënnt d'Baach op Lëtzebuerger Terrain a fléisst zu Hunchereng tëscht dem CR165 an der Huncherenger Millen an d'Uelzecht.

Um Territoire vu Lëtzebuerg huet Baach eng Längt vu ronn 9 km, dovun zu Rëmeleng 450 Meter ënner dem Buedem. De Sandre gëtt fir Frankräich eng Längt vun 8,97 km un, mat dem Numm Kaelbach an dem Code A8910300.

Niewebaachen

• Pierreuse (haut vum Sandre als Quell festgeluecht, versickert awer ier se d'Keelbaach erreecht)
• Les Fontaines (op der topographescher Kaart nach just bis virun Ëtteng agezeechent)
• Walertflass (existéiert net méi)
• zu Keel d'Biermecht an d'Puelbech

Biller

• 
  De fréiere Weier op der Grenz viru Rëmeleng
• 
  Nonkeel - Zweet Quell zu Ëtteng
• 
  Nonkeel - betonéiert Bett
• 
  Rëmeleng - renaturéiert bei der Schleis
• 
  Rëmeleng - betonéiert Bett
• 
  Téiteng - stenge Bett
• 
  Keelbaach zu Keel
• 
  Hunchereng - Mëndung an d'Uelzecht

Kuckt och

• Lëscht vun de lëtzebuergesche Waasserleef
• Lëscht vun de lëtzebuergesche Waasserleef mat hiren Anzuchsgebidder

Um Spaweck

Commons: Keelbaach – Biller, Videoen oder Audiodateien

• Topographesch Kaart vu Lëtzebuerg um Site vum Kadaster
• E franséische Rapport iwwer den Zoustand vun der Keelbaach
• Fiche um Sandre
• Kaart vum SAGE mat den Anzuchsgebidder