Kläranlag Kautebaach

Dësen Artikel ass eréischt just eng Skizz. Wann Dir méi iwwer dëst Theema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir beim Schreiwen Hëllef braucht, da luusst bis an d'FAQ eran.

D'Kläranlag Kautebaach ass am Oktober 2008 a Betrib gaangen.

D'Kläranlag, déi zu Kautebaach direkt nieft der Gare läit, gouf am Kader vun engem LEADER-Projet sou konzipéiert, datt si an der Ëmweltbildung kann agesat ginn. D'Ofwaasser fléisst deels duerch oppe Leitunge soudatt ee verschidde Klärzoustänn gesäit.

En didaktescht Konzept mat engem Léierpad an engem pedagogesche Sall erlaabt sech iwwer follgend Theemaen z'informéieren: d'Versuergung mat Drénkwaasser, d'Behandlung vum Ofwaasser an d'Aspuere vu Waasser. Zilpublikum sinn d'Schoulen an de "Grand Public".

De pedagogesche Projet gouf vun der Gemeng Kiischpelt zesumme mat dem Ofwaassersyndikat SIDEN am Kader vum LEADER-Programm vun der Regioun Réiden-Wolz ëmgesat. Käschtepunkt vum Projet "Sentier pédagogique - Station d'épuration Kautenbach", wéi en offiziell heescht: 56.695,81 € (Kofinanzéierung: 20% EU, 40% Staat, 40% Gemeng Kiischpelt).

Kuckt och

Lëscht vun de Kläranlagen zu Lëtzebuerg

Um Spaweck

Commons: Kläranlag Kautebaach – Biller, Videoen oder Audiodateien

Projet Kautebaach um Site vum SIDEN (fr)
De LEADER-Projet Sentier pédagogique - Station d'épuration Kautenbach (de)

Fotoalbum

Aweiung den 10. Oktober 2008. Vir den Ali Kaes, President vum SIDEN, riets vun him den Armand Mayer, Buergermeeschter vun der Gemeng Kiischpelt
Fotoshooting am Klassesall iwwer der Kläranlag
D'Press am Asaz am Keller vun der Kläranlag