Lëtzebuerger Artisten Center

Dëse Konschtartikel ass eréischt just eng Skizz. Wann Dir méi iwwer dëst Theema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir beim Schreiwen Hëllef braucht, da luusst bis an d'FAQ eran.

Lëtzebuerger Artisten Center
Ofkierzung	LAC
Grënnungsdatum	1984 Asbl 1992
Sëtz	4, Alen Eecher Bierg L-1459 Lëtzebuerg
President	Jean Fetz
Websäit	www.lac.lu

De Lëtzebuerger Artisten Center (gekierzt LAC) ass eng lëtzebuergesch Kënschtlervereenegung, déi 1984 gegrënnt gouf. Am Joer 1992 huet de LAC d'Form vun enger  ASBL ugeholl. Zanter der Grënnung gëtt de Conseil d'Administration vum LAC vum Jean Fetz als President geleet.

D'Organisatioun bitt eng Plattform fir Kënschtler, fir hir Konscht fräi an onofhängeg ze weisen an ze promovéieren. De LAC organiséiert reegelméisseg Ausstellungen zu Lëtzebuerg an am Ausland, déi e breede Spektrum u Konschtformen ofdecken, dorënner traditionell Molerei, Skulptur, Performance-Konscht an digital Medien.

De LAC schafft enk mat Ministèren, Gemengen, Konschtinstitutiounen, Muséeën an anere kulturellen Organisatiounen zu Lëtzebuerg an am Ausland zesummen. Dobäi setzt de LAC sech geziilt fir d'Professionalisatioun vum Konschtsecteur an, fir d'Bedingungen an d'Strukture fir Kënschtlerinnen a Kënschtler ze verbesseren a professionell Méiglechkeeten ze stäerken.

Geschicht a Grënnung

Den LAC gouf als Äntwert op d'Konzept vum Cercle artistique de Luxembourg (CAL) gegrënnt, deen deemools als ze traditionell a limitéiert ugesi gouf. Déi nei Organisatioun huet sech zum Zil gesat, eng méi oppen an international Plattform fir zäitgenëssesch Konscht ze bidden, wou d'Kreativitéit fräi ausgespillt ka ginn. D'Initiativ koum vun enger jonker Generatioun vu Lëtzebuerger Kënschtler, déi eng nei Dynamik an d'kulturellt Liewe brénge wollten. De LAC huet 42 Memberen aus dem In- an Ausland.

Literatur

• 10 Jahre "Lëtzebuerger Artisten-Center"; Interview mam Jean Fetz a Ralph Hoffelt, in: forum, Nr. 153, Juli 1994