forum (Zäitschrëft)
forum für Politik, Gesellschaft und Kultur ass eng lëtzebuergesch Zäitschrëft, déi zéngmol am Joer erauskënnt.
Beschreiwung[änneren | Quelltext änneren]
D'Zäitschrëft forum gëtt vun enger A.s.b.l. mam selwechten Numm publizéiert[1] an huet gewéinlech ee Schwéierpunktthema, de sougenannten Dossier. Do donieft gëtt et Hannergrondreportagen iwwer Kultur a Kulturpolitik; reliéis a gesellschaftlech Theemen, politesch Entwécklungen an d'Geschicht vu Lëtzebuerg.
forum ass 1976 aus dem Bulletin d'information de la Jugendpor Lëtzebuerg ervirgaangen, enger Zäitschrëft vu kritesche Chrëschten, déi hir reliéis a gesellschaftlech Vuën am Luxemburger Wort net vertruede gesouchen.[2] Bis 2000 war den Ënnertitel dann och fir kritesch Informatioun iwwer Politik, Kultur a Relioun; den aktuellen Ënnertitel ass für Politik, Gesellschaft und Kultur.
D'Redaktioun gëtt vun 2 feste Mataarbechter geleet; déi meescht Kontributioune komme vun externen Auteuren, déi, jee no Dossier, een oder méi Artikelen zu hirem Spezialgebitt bäisteieren.[3]
2010 louch d'Drockoplo bei 1.900 Stéck. Knapps 1.100 dovu waren Abonnementer, tëscht 150 an 250 Stéck goufen an den Zeitungsbutteker verkaf.[3] D'Artikele si meeschtens op Däitsch oder Franséisch, méi seelen op Lëtzebuergesch oder Englesch.
Nieft der Zäitschrëft publizéiert forum geleeëntlech Bicher[4] an organiséiert ënner dem Numm public forum Table ronden zu gesellschaftlech aktuellen Theemen.
Den 20. Oktober 2010 gouf forum vun der Fondation Alphonse-Weicker mam Prix du progrès économique durable ausgezeechent.[3]
- Historesch Ausgabe vum forum
forum Nr. 1
Editioun 01-1976
forum Nr. 100
Editioun 12-1987
forum Nr. 200
Editioun 05-2000
forum Nr. 300
Editioun 10-2010
Literatur[änneren | Quelltext änneren]
- Pauly, Michel, 2000. 200 Ausgaben, 25 Jahre. Wird forum gebraucht? Forum 200, S. 61-63. PDF
- Stoldt, Jürgen, 2010. 200 bis 300. Eine Bilanz zu weiteren 10 Jahren forum. forum Nr. 300 (Okt. 2010): 4-5. Pdf [163 kB]
Kuckt och[änneren | Quelltext änneren]
Um Spaweck[änneren | Quelltext änneren]
- Internet-Site vum forum [Eeler Joergäng si komplett am Pdf-Format zougänglech]
- Selbstportrait mat Réckbléck op 25 Joer [2000]
- Selbstportrait mat Réckbléck op d'Joren 2000-2010 [Pdf 163 kB]
Referenzen[Quelltext änneren]
- ↑ Statute publizéiert am Handelsregëster vun der Stad Lëtzebuerg vum 15. Juli 1985. Zit. n. Stoldt 2010 an der Literatur.
- ↑ Michel Pauly, 2010. Nachruf - René Vesque (1930-2010). Forum 302, S. 57-58. PDF
- ↑ 3,0 3,1 3,2 Cf. Stoldt 2010: 5 an der Literatur.
- ↑ Sou z. B. Thiel, Marc, 1993. 'D'Wäschfra'. Histoire d'un journal satirique. éditions forum.