La Pérouse (Moundkrater)
 De Moundkrater La Pérouse (uewe lénks) mat Niewekrateren (LROC-WAC) | |
| Koordinaten | 10°40'12"S, 76°16'48"O |
|---|---|
| Duerchmiesser | 80,4 km |
| Déift | ? m |
| Selenographesch Längt | 285° bei Sonnenopgank |
| Genannt am Joer | 1935 |
| Moundvéiereck | LQ21 |
De La Pérouse ass en Aschlagkrater no beim ëstleche Rand vun der viischter Moundsäit. Hie läit nordwestlech vum Krater Ansgarius an ëstlech vum Krater Kapteyn. Wéinst senger Lag erschéngt de Krater vun der Äerd aus gesinn verkierzt. Vum Orbit aus erkennt ee seng Form bal kreesfërmeg.
De Rand vum La Pérouse ass vun nofollgenden Aschléi sou gutt wéi net beréiert an zeechent sech däitlech of. Hien huet e klengen Ausleefer a ganz kleng Béi am süd-südëstlechen an am süd-südwestleche Beräich. Déi bannenzeg Wänn sinn zum gréissten Deel an Terrasse gegliddert. Aus dem Kraterbuedem hieft sech eppes nordëstlech vum Mëttelpunkt en Zentralbierg, dee liicht no Südosten hi verlängert ass. Südëstlech vun där Formatioun ass de Kraterbuedem vun engem klengen Aschlag gezeechent.
De Krater gëtt heiansdo och als La Peyrouse bezeechent.
| Buschtaf/Numm | Positioun | Duerchmiesser | Link |
|---|---|---|---|
| A | 9,25° S, 74,68° O | 4 km | [1] |
| D | 11,19° S, 76,57° O | 7 km | [2] |
| E | 10,15° S, 78,48° O | 31 km | [3] |
Kuckt och
[Quelltext änneren]
Um Spaweck
[änneren | Quelltext änneren]- Krater La Pérouse am "Digital Lunar Orbiter Photographic Atlas of the Moon"
- Moundkaart 81: La Pérouse Krater läit an der Mëtt lénks
