Luxemburger Wochenblatt

Vu Wikipedia
Op d'Navigatioun wiesselen Op d'Siche wiesselen

Luxemburger Wochenblatt war den Titel vun enger lëtzebuergescher Wochenzeitung, déi tëscht dem 7. Abrëll 1821 a wahrscheinlech dem 8. Juli 1826 samschdes erauskoum a beim Jacques Lamort gedréckt gouf.

Redakter war de Friedrich-Georg Weiß, dee virdru Sekretär vum preisesche Festungskommissariat war an niewelaangscht e "Petitiounsbureau" bedriwwen huet, wou en de Leit Texter formuléiert, Feierversécherunge verkaaft an als Immobilienagent fungéiert huet.

D'Zilpublikum vum Luxemburger Wochenblatt waren d'Stater Bourgeoise an d'Membere vun der preisescher Festungsarméi, an dofir war et haaptsächlech op Däitsch geschriwwen. Et war déi éischt däitschsproocheg Zeitung déi zu Lëtzebuerg erauskoum. Mä et gouf och alt deen een oder anere Lieserbréif op Franséisch oder offiziell Matdeelung op Hollännesch.

Am Wochenblatt goufen och déi éischt Texter iwwerhaapt op Lëtzebuergesch publizéiert.[1]

Inhaltlech gouf vill Wäert op Lokalnoriichten a -communiquéë geluecht, Auslandsnoriichte ware wahrscheinlech aus aneren Zeitunge kopéiert.

D'Geschäft mat der Zeitung war fir de Weiß kee Succès; no fënnef Joer huet e missen ophalen, se erauszeginn, well en den Drécker net méi konnt bezuelen.

Literatur[änneren | Quelltext änneren]

  • Hilgert, Romain:Les journaux au Luxembourg, 1704-2004. Luxembourg: Service information et presse, 2004, S. 187.

Um Spaweck[änneren | Quelltext änneren]

Referenzen[Quelltext änneren]

  1. An den Editioune vum 14. Abrëll 1821, 8. Mee 1824 an 10. Dezember 1825).