Médecins sans frontières

Vu Wikipedia
Op d'Navigatioun wiesselen Op d'Siche wiesselen
D'Entrée vun engem Flüchtlingscamp am Tschad.

Médecins sans frontières (MSF) ass eng privat international Netregierungsorganisatioun, déi zanter 1971 an haut an iwwer 80 Länner am Beräich vun der Nouthëllef bei Naturkatastrophen a Konflikter aktiv ass.

1999 krut MSF de Friddensnobelpräis fir hir humanitär Pionéierleeschtung op e puer Kontinenter.

MSF huet sech als Zil gesat, virun allem kuerzfristeg medezinesch Hëllef bei Katastrophen (natierlech oder vum Mënsch verursaacht) ze leeschten. Do dernieft si si och a chronesche Konfliktgebidder aktiv, wou keng 'normal' Hëllefsstrukturen (méi) do sinn. A verschiddene Länner si si esou déi eenzeg Hëllefsorganisatioun um Terrain. Wann d'Situatioun sech verbessert, gi si hir Aktivitéiten u lokal Strukture virun.

D'Dokteren, Infirmièren an Infirmieren, an déi administrativ a logistesch Mataarbechter vun MSF maachen dat op Basis vum Benevolat. Wa se méi wéi ee Joer do schaffen, kréien s'eng Indemnitéit fir hir Onkäschten. Privatspender droen zu 90 % vun den MSF hirem Budget, vun ongeféier 1,63 Milliarden US-Dollar, bäi.

Médecins Sans Frontières gouf 1971, an der Nuecht vun der Biafraer Sezession, gegrënnt. D'Grënner waren eng kleng Grupp vu franséischen Dokteren a Journalisten, déi versicht hunn d'Zougänglechkeet vun der medizinescher Versuergung iwwer national Grenzen an onofhängeg vun de Rassen, der Relioun oder dem sozialen Gesellschaftsstand z'erméiglechen. De Médecins sans frontières hire Grondprinzip ass fir bei Konflikter strikt onparteiesch ze sinn.

Nëmmen eemol an hirer Geschicht, am Genozid 1994 am Ruanda, huet d'Organisatioun no enger militärescher Interventioun gefrot.

Si sinn onofhängeg vu Regierungen an decidéiere selwer, wou si aktiv ginn. Hiert éischt Zil ass, datt d'Hëllef bei déi kënnt, déi s'am néidegsten hunn. Wa se feststellen, datt dat net de Fall ass, kënne se decidéieren, sech zréckzezéien.

D'Prinziper vun den MSF an d'operationell Riichtlinne sinn an hirer Charta, an de Chantilly Prinziper an am méi spéide La Mancha-Accord festgeluecht.

Si kruten den Nobelpräis 1999 an d'Unerkennung vun de Membere wéinst hiren Efforten fir medezinesch Versuergung an akute Krisen z'entwéckelen, an och fir international d'Sensibilitéit vu potenziellen humanitäre Katastrophen z'erhéijen.

MSF huet lokal Sektiounen an enger 18 Länner, dorënner och Lëtzebuerg.

Urspronk[änneren | Quelltext änneren]

Während dem nigerianesche Biergerkrich vun 1967 bis 1970 huet d'nigerianesch Arméi eng Blockad ronderëm déi nei onofhängeg südost-orientéiert Regioun, de Biafra, gemaach. Déi Zäit war Frankräich den eenzege groussen Ënnerstëtzungsstaat vun de Biafraner (England, d'Sowjetunioun an d'USA hunn d'Nigerianesch Regierung ennerstëtzt), an d'Liewenskonditiounen bannent der Blockad waren der Welt onbekannt. Eng Rei franséisch Doktoren hu sech beim Roude Kräiz ugebuede fir fräiwëlleg an de Spideeler a Ravitaillementszentren am Biafra ze schaffen. Ee vun den Matgrënner vun der Organisatioun war de Bernard Kouchner, dee spéider e franséische Minister gouf.

Grënnung 1971[änneren | Quelltext änneren]

Qsicon Ueberarbeiten.png Dëst Kapitel muss iwwerschafft ginn. Dat kann dru leien, datt Schreif- oder Tippfeeler dran ze fanne sinn, datt den Opbau net der Wikiformatéierung entsprécht oder datt den Inhalt net ganz korrekt ass oder net explizit genuch ass, sou wéi en den Ament do steet.

Den 'Groupe d'Intervention Médicale et Chirurgicaleen Urgence' gouf 1971 vu franséischen Dokteren gegrënnt, déi schon an Biafra geschafft haaten, fier Hëllef ze leeschten an d'Wichtegkeet vun der neutraler Behandlung von den Affer ze ënnerstëtzen. Zur selwechter Zäit huet de Raymond Borel, de Redaktor vum franséischen Medizinsmagazin TONUS, den Grupp 'Secours Médical Français'als Reaktioun op den Bhola-Zyklon, den 1970 ugefaangen huet, an deen op mannst 625.000 am Ostpakistan ëmbruecht huet. Dem Borel säin Ziel war ett, Dokteren ze rekrutéieren, fir Affer vun Naturkatastrofen ze hëllefen. Den 22. Dezember 1971 hunn déi zwee Gruppen sech dann zum Grupp Médecins Sans Frontières zesummegesaat.

Déi éischt Missioun vun der MSF war an der nikaraguanesch Haaptstad Managua, wou en Äerdbiewen 1972 de gréissten Deel vun der Stad zerstéiert huet an wou 10.000 bis 30.000 Leit ëmbruecht goufen.

Den 18. an 19. September 1974 huet den Hurricane Fifi grouss Flutungen an Honduras verursaacht an Tausende vu Leit ëmbruecht (Schätzungen variéieren), an do huet den MSF hir éischt langfristeg medizinesch Missioun opgestallt.

Zwëschen 1975 an 1979, nodems Krich zwëschen Süd-an Nordvietnam ausgebrach ass, hunn Millioune Kambodschanë missen an Thailand emigréieren, fir de Khmer Rouge ze vermeiden. D'MSF huet do seng éischt Flüchtlingslager-Missioun an Thailand gemaach.

Dem MSF seng Missioun an Thailand kann zu senger éichter MSF-Missioun an enger Kriegszone am Joer 1976 ugesinn ginn.

D'Joren 2010 bis elo[änneren | Quelltext änneren]

2015 sinn 13 Membere vun MSF gestuerwen, wéi d'US Air Force ee Spidol zu Kondôz am Afghanistan bombardéiert huet.  

Am Juni 2016 huet de Jérôme Oberreit, internationale Generalsekretär vu Médecins Sans Frontières bekannt ginn, datt d'Organisatioun keng europäesch Fongen akzeptéiere géif aus Protest géint d'europäesch Politik a virun allem géint den Accord tëscht Europa an der Tierkei, datt all syresche Flüchtling misst zréckgehalen oder zréck a Syrien geschéckt ginn.

Beim Sexskandal ëm d'Organisatioun Oxfam am Joer 2018 ass bekannt ginn, datt och Mataarbechter vun MSF bei sexuellen Iwwergrëffer participéiert hunn. Am Joer 2017 goufe 24 Fäll gemellt. MSF huet awer matgedeelt, datt déi Zuel méi héich ass, well net all Fall matgedeelt gouf.

D'Charte[änneren | Quelltext änneren]

Den Auteur vun der Charte vun MSF ass de Philippe Bernier.

"Médecins sans frontières hëlleft de Leit déi Hëllef brauchen, ouni Diskriminatioun vu Rass, Relioun, Philosophie oder Politik. Fir dat op eng neutral an onparteilech Manéier ze maachen, well MSF am Numm vun der universeller medezinescher Ethik an dem Recht op humanitär Hëllef, mat voller Fräiheet an hirem Beruff schaffen. Si sinn engagéiert d'ethesch Prinzipie vum Beruff ze respektéieren an eng total Onofhängegkeet ze hunn, wat de Pouvoir, politesch, wirtschaftlech oder reliéis ugeet. Fräiwëlleg musse wëssen, wéi eng Risiken a Geforen an de Missiounen déi se maachen op si zoukommen."

Médecins Sans Frontières Luxembourg[änneren | Quelltext änneren]

Déi lëtzebuergesch Sektioun vun MSF gouf 1986 gegrënnt. 26 Salariéë schaffe fir si, an hëllefen, Informatiouns- a Sensibiliséierungskampagnen ze maachen, Donen ze sammelen, déi Fräiwëlleg z'enkadréieren an am Kader vum Projet LuxOR (Luxembourg Operational Research) Recherchen ze maachen, déi dozou déngen, zukünfteg Interventiounen nach méi efficace ze maachen.[1]

Um Spaweck[änneren | Quelltext änneren]

Referenzen[Quelltext änneren]

  1. Qui sommes nous? op msf.lu.


Commons: Médecins sans frontières – Biller, Videoen oder Audiodateien