Maclaurin (Moundkrater)
 De Moundkrater Maclaurin mat Niewekrateren | |
| Koordinaten | 1°55'12"S, 67°59'24"O |
|---|---|
| Duerchmiesser | 54,33 km |
| Déift | 3.380 m[1] |
| Selenographesch Längt | 292° bei Sonnenopgank |
| Genannt am Joer | 1935 |
| Moundvéiereck | LQ21 |
De Maclaurin ass en Aschlagkrater südwestlech vum klenge Mare Spumans am ëstlechen Deel vun der viischter Moundsäit. Hie läit nordëstlech vum opfällege Krater Langrenus a west-nordwestlech vum Krater Gilbert.
D'Kraterstruktur vum Maclaurin erschéngt ongewéinlech, well vill kleng Krateren u säi baussenzege Rand stoussen. Am Norde sinn dat speziell déi vu Lava iwwerschwemmt Maclaurin O a Maclaurin K. Laanscht d'Nordost-, Ost- an d'Südsäit sinn och Satellittekrateren. Déi dräi Krateren um Südrand, zu deene Maclaurin A a Maclaurin N gehéieren, si wäit genuch an den Haaptkrater agedrongen, fir den Ëmrëss op där Plaz ofzeflaachen. Déi eenzeg fräi Plazen am Ëmfang sinn op der Westsäit an op enger kuerzer Streck am Südosten. Trotz allem huet de Maclaurin eng zimmlech kreesronn Form.
Déi bannenzeg Kraterwänn falen an engem liichte Rampli op den ofgeflaachte Kraterbuedem. De mëttlere Beräich gouf, méiglecherweis duerch basaltesch Lava, nei gebilt an huet dofir wéinst senger donkeler Téinung eng niddreg Albedo. Am Mëttelpunkt vum Kraterbuedem läit en niddregen zentrale Bierg.
| Buschtaf/Numm | Positioun | Duerchmiesser | Link |
|---|---|---|---|
| A | 3,24° S, 67,56° O | 29 km | [1] |
| B | 3,69° S, 71,51° O | 36 km | [2] |
| C | 1,22° S, 69,4° O | 31 km | [3] |
| D | 7,07° S, 69,86° O | 11 km | [4] |
| E | 3,51° S, 65,59° O | 22 km | [5] |
| G | 7,01° S, 66,97° O | 17 km | [6] |
| H | 1,58° S, 64,13° O | 42 km | [7] |
| J | 2,58° S, 69,35° O | 15 km | [8] |
| K | 1,11° S, 66,78° O | 35 km | [9] |
| L | 1,37° S, 71,45° O | 28 km | [10] |
| M | 4,92° S, 69,14° O | 42 km | [11] |
| N | 3,82° S, 68,36° O | 31 km | [12] |
| O | 0,16° S, 67,6° O | 41 km | [13] |
| P | 6,11° S, 69,45° O | 32 km | [14] |
| T | 1,84° S, 65,34° O | 33 km | [15] |
| U | 4,04° S, 66,43° O | 19 km | [16] |
| W | 0,57° N, 68,17° O | 23 km | [17] |
| X | 0,11° N, 68,64° O | 18 km | [18] |
Kuckt och[Quelltext änneren]
Um Spaweck[änneren | Quelltext änneren]
- Maclaurin op The-Moon Wiki
- Krater Maclaurin am "Digital Lunar Orbiter Photographic Atlas of the Moon"
- Moundkaart 184: De Krater Maclaurin läit uewe riets
Referenzen[Quelltext änneren]
- ↑ John E. Westfall: Atlas of the Lunar Terminator. Cambridge University Press, Cambridge u. a. 2000, ISBN 0-521-59002-7.