Magnetosaurus Nostalgodon
Magnetosaurus Nostalgodon ass e Roman op Lëtzebuergesch vum Jean-Marc Lantz, deen am Juli 2019 bei Capybara Books erauskoum.
Et ass dem Lantz säin éischte Roman. Vereenzelt Kapitelen an Dialoge sinn op Englesch.
Ëm wat geet et am Buch?[änneren | Quelltext änneren]
Erzielt ginn d'Erliefnesser an d'Gedanke vum Joé, engem jonke Mann vu Péiteng, an den 1980er Joren. Mat senge Kolleegen huet hien eng Band, The Scarecrow, gegrënnt. Méi spéit, wéi e bis um Cours universitaire an op der Uni a Wales ass, sinn et éischter seng komplizéiert amouréis Bezéiungen, déi am Mëttelpunkt stinn...