Péiteng

Vu Wikipedia
Wiesselen op: Navigatioun, sichen
Péiteng
D'Gemengenhaus zu Péiteng
D'Gemengenhaus zu Péiteng
An anere
Sproochen:
fr: Pétange
de: Petingen
Land: Flag of Luxembourg.svg Lëtzebuerg
Kanton: Esch-Uelzecht
Gemeng: Coat of arms petange luxbrg.png Péiteng
Buergermeeschter: Pierre Mellina (CSV)
Awunner Uertschaft: 8 084 [1]
(21.10. 2011)
Fläch Uertschaft: 410 ha
Koordinaten: Gnome-globe.svg49° 33’ 23’’ N
     5° 52’ 37’’ O
Uertschaften - Gemengen - Stied
Gedenkplack un der Parkschoul

Péiteng ass eng lëtzebuergesch Uertschaft am Kanton Esch-Uelzecht an Haaptuert vun der Gemeng Péiteng.

Geschicht[änneren | Quelltext änneren]

Péiteng gëtt fir d'éischt am Joer 938 an enger Charta historesch ernimmt an zwar ënner dem Numm "Perdgitten". Dem Professer Jos. Meyers no kënnt den Numm Péiteng vum Numm vun der fränkescher Sipp "Petto" hier. Am Laf vun der Geschicht huet Péiteng verschiddenen Herrschafte gehéiert.

  • 04. Abrëll 1281: Péiteng krut vum Heinrich V., genannt de Blonden, Grof vu Lëtzebuerg, a vum Rudolph, Här vu Sterpenich, de Fräiheetsbréif nom béimesche Recht. Duerch dëse Fräiheetsbréif goufen d'Awunner vu Péiteng fräi Bierger, déi sech selwer hunn däerfte verwalten ënner der Herrschaft vum Grof vu Lëtzebuerg.
  • Tëscht 1310 an 1346: Jang de Blannen erneiert a bestätegt de Fräiheetsbréif.
  • 07. Januar 1540: Neifaassung vum Fräiheetsbréif duerch de Keeser Karel V.
  • 1898: Aweiung vum Spidol St. Joseph, dat d'Zita-Schwëstere baue gelooss hunn.
  • 1900: Aweiung vun der haiteger Gare.
  • 1907: D'Gemeng keeft d'Schlass Nothomb mat allen Dependancen.
  • 1933: Aweiung vun der haiteger Parkschoul.
  • 15. Mee 1938: Aweiung vum haitege Stadhaus op där Plaz, wou virdrun d'Schlass stoung.
  • 11. Mee 1940: Franséisch Granate falen op Péiteng. Eng Famill wëllt sech am Keller vun der Parkschoul a Sécherheet bréngen. Wéi se am Schoulhaff waren, explodéiert eng Granat nieft hinnen. De François Hahn, seng Fra Marguerite an hire Jong René stierwen op der Plaz. Et waren déi éischt zivil Affer vu Péiteng. Eng Gedenkplack am Schoulhaff erënnert u si.
  • Den 9. September 1944 ass Péiteng, als éischt Uertschaft vu Lëtzebuerg, vun den amerikaneschen Truppe befreit ginn. Bei dëser freedeger Geleeënheet ass den éischten amerikaneschen Zaldot op Lëtzebuerger Buedem, den Hyman S. Josephson, gefall. Him zu Éiere gouf um haitege Square Hyman S. Josephson zu Péiteng e Monument opgeriicht.

Verkéier[änneren | Quelltext änneren]

Péiteng läit un de Linne 70 a 60 vun der Lëtzebuerger Eisebunn.
Un de Stroosseverkéier ass d'Uertschaft ugeschloss duerch d'Nationalstroossen N 5, N 5b, N 5c, N 5f, N 31 an den CR111.
Soss ass se nach un den ëffentleche Persounentransport ugeschloss iwwer d'Buslinnen 1, 3, 13 a 14 vum TICE, wat fréier eng Tramsstreck war.

Bevëlkerungsentwécklung[änneren | Quelltext änneren]

  • 1473: 18 Feierplazen,
  • 1495: 9 Feierplazen,
  • 1525: 5 Feierplazen,
  • 1536: 3 Feierplazen,
  • 1618: 21 Feierplazen,
  • 1635: 6 Feierplazen
  • 1908: 1.705 Awunner,
  • 1925: 3.822 Awunner,
  • 1980: 6.400 Awunner,
  • 2007: 7.399 Awunner

Bekannt Péitenger[änneren | Quelltext änneren]

D'Monument vum éischte gefalenen GI

Déi Péitenger Awunner droen de Spëtznumm Wandjangen.

Kuckeswäertes[änneren | Quelltext änneren]

Kuckt och[änneren | Quelltext änneren]

Um Spaweck[änneren | Quelltext änneren]

Commons: Péiteng – Biller, Videoen oder Audiodateien

Referenzen[Quelltext änneren]