Gemeng Péiteng

Péiteng
Stadhaus vu Péiteng (2015)
Aussprooch
An anere Sproochen	fr: Pétange de: Petingen
Land	Lëtzebuerg
Kanton	Esch-Uelzecht
Buergermeeschter	Pierre Mellina (CSV)
Awunner	20.563
	1 Januar 2023
Fläch	1.193 ha
Héicht	279 m
Koordinaten	49° 33’ 23’’ N       5° 52’ 37’’ O
LAU-Code	LU0209
Websäit	https://www.petange.lu
D'Gemeng Péiteng (orange) am Kanton Esch (rout)

D'Gemeng Péiteng ass eng vun den 102 lëtzebuergesche Gemengen. Se läit am Kanton Esch-Uelzecht. De Chef-lieu vun der Gemeng ass d'Uertschaft Péiteng vun där se och hiren Numm huet.

D'Gemeng Péiteng ass haut mat hire knapps 12 km² eng vun de flächeméisseg klengste Gemengen am Land. Mat 20.563 Awunner (1 Januar 2023) ass et awer awunnerméisseg déi fënneftgréisst.
Den Auslännerundeel louch 2010 bei 44,66 % .

Uertschaften an der Gemeng

• Péiteng
• Rodange
• Rolleng (fr.: Lamadelaine)

Geographie

D'Gemeng Péiteng läit am Dall vun der Kuer an ass ëmgi vun de Gemenge Käerjeng (fréier Nidderkäerjeng) an Déifferdeng lëtzebuergersäits, de Gemenge Longsduerf (fr: Longlaville) an Zounen (fr: Saulnes) op franséischer Säit an Éibeng (fr: Aubange) op der belscher Säit.

Verkéier

D'Gemeng Péiteng läit un de Linne 6 a 7 vun der Lëtzebuerger Eisebunn.

Un de Stroosseverkéier ass d'Gemeng ugeschloss duerch d'Nationalstroossen N5, N5B, N5C, N5F, N31, den CR176 an den CR111.

Soss ass d'Gemeng nach un den ëffentleche Persounentransport ugeschloss iwwer d'Buslinnen 1, 3, 13 a 14 vum TICE a verschidde Linne vum RGTR.

Geschicht

1601 gouf d'Grenz tëscht Loutrengen a Lëtzebuerg festgeluecht: Péiteng huet dunn zu Lëtzebuerg, Rodange a Rolleng zu Loutrengen a Bar gehéiert. Zanter 1795 besteet d'Gemeng Péiteng a senger haiteger Form (Péiteng, Rodange a Rolleng (fr. Lamadelaine). De Bevëlkerungszouwuess am 19. Joerhonnert ass geschitt, wéi op den Héichte ronderëm Péiteng d'Minett exploitéiert ginn ass, wéi d'Rodanger Schmelz entstanen ass, a wéi d'Eisebunn gebaut gouf.

1906 gouf eng Gas-Beliichtung an de Stroosse vun der Gemeng a Betrib geholl.
1912 gouf d'Gemeng un d'interkommunaalt Waassernetz an
1931 un d'elektrescht Stroumnetz ugeschloss.

Entwécklung vun der Awunnerzuel

Quell:STATEC

Politik

De Gemengerot vu Péiteng gëtt nom Proporz-Walsystem gewielt. E setzt sech zanter 2011 aus 17 Conseilleren zesummen.

Zesummesetzung

Joer	ADR	CSV	DP	gréng	LSAP	Lénk	Kons.	PPLU
1999	0	8	1	-	6	-	-	-
2005	0	7	1	1	6	-	-	-
2011	1	8	1	2	5	-	-	-
2017	0	8	1	2	4	0	0	2

Quell: Inneministère / RTL.lu elections.lu

Buergermeeschteren

1796 - 1798: Pierre Berquin, Rodange 1798: Franz Thill, Rolleng 1798: Nicolas Gloutin, Rodange 1798 - 1800: Nicolas Thill, Rolleng 1800 - 1801: Pierre Berquin 1801 - 1806: Nicolas Gloutin 1806 - 1810: Nicolas Bosseler, Rolleng 1810 - 1811: Jean Baptiste Dehaye, Rodange 1811 - 1814: François Thill sen., Rolleng 1814 – 1819: Johannes Everling, Péiteng 1819 - 1829: Dominique Nothomb, Péiteng 1830 - 1832: Jean-Pierre Nothomb

1833 - 1836: François Thill sen. 1836 - 1848: Jean-Henry Reichling, Péiteng 1848 - 1854: François Thill sen. 1854 - 1858: Pierre Tockert, Rolleng 1858 - 1861: Jean Kauffmann, Péiteng 1861 - 1873: Pierre Kirpach, Péiteng 1873 - 1891: François Thill jun., Rolleng 1891 - 1906: Jean Thill, Rolleng 1906 - 1918: Jean Waxweiler, Péiteng 1918 - 1921: Mathias Heinen, Péiteng 1921 - 1922: Jean-Pierre Kirchen, Péiteng 1925 - 1934: Marcel Schintgen, Péiteng

1935 - 1941: Pierre Hamer, Péiteng 1941 - 1944: Dr. Kohn 1946 - 1962: Joseph Philippart 1962 - 1978: Théophile Kirsch 1979 - 1987: Armand Kaiser 1988 - 1993: René Putzeys 1994 - 1999: Roger Klein 2000 - 2004: Jean-Marie Halsdorf 2004 - 2004: Pierre Mellina (ff) zanter 2004: Pierre Mellina

De Kulturzentrum Wax

Interkommunal Syndikater

D'Gemeng Péiteng ass Member vu follgenden interkommunale Syndikater:

• SIACH
• SICEC
• SICONA-Sud-Ouest
• Minett-Kompost
• SES
• SIDOR
• SIGI
• SIKOR
• SYVICOL
• TICE
• PRO-SUD

Wopen

De Wope vun der Gemeng Péiteng gouf am Gemengerot den 21. Mee 1976 ugeholl. Den Arrêté ministeriel ass vum 15. November 1976, publizéiert am Mémorial B vun 1976 op Säit 1425.

Offiziell Beschreiwung: "Coupé, en chef d'azur à deux bars adossés d'or, cantonnés de quatre croisettes recroisettées au pied fiché du même; en pointe de gueules au lion d'or; à la fasce bretessée d'argent brochant sur la partition."

Jumelagen

Péiteng ass jumeléiert mat:

• Maribor a Slowenien
• Schio an Italien
• Schiffweiler an Däitschland

Literatur

• De Geschichtsfuerscher aus der Gemeng Péiteng: eine Chronik aus der Dreiländerecke Petingen-Rollingen-Rodingen. Jg. 1, Nr. 1 (Jan. 2006), Péiteng: Amis de l'histoire de la commune. 24 cm, all Mount

Kuckt och

• Lëscht vun den nationale Monumenter an der Gemeng Péiteng 0
• Entwécklung vun der Gemengenzuel zu Lëtzebuerg
• Lëscht vun de Lëtzebuerger Gemengen
• Gare Péiteng
• Rangéiergare Péiteng
• Centre Wax
• Parkierch vu Péiteng

Um Spaweck

Commons: Péiteng – Biller, Videoen oder Audiodateien

• Offiziell Säit vun der Gemeng Péiteng
• D'Gemeng Péiteng op der Websäit vum Syvicol