Piratepartei Lëtzebuerg

Logo	Parteizentral
	1a rue de Luxembourg L-8481 Kopstal
Basisdonnéeën
Grënnungsdatum:	4. Oktober 2009
Parteipresident:	Sven Clement
Vizepresident:	Sven Wohl
Generalsekretär:	Andy Maar
Tresorier:	Ben Allard
Memberszuel:	331 (Stand: 23. Abrëll. 2014)^[1]
Websäit:	www.piratepartei.lu

Grënnung vun der Piratepartei Lëtzebuerg de 4. Oktober 2009. Stater Gronn.

D'Piratepartei Lëtzebuerg, ass eng politesch Partei zu Lëtzebuerg. D'Partei geet der Piratendoktrin no, déi vun der schwedescher Schwësterpartei "entwéckelt" gouf. Si setzt sech zanter hirer Grënnung am Oktober 2009 fir Biergerrechter an, ee verbesserten Dateschutz a méi Privatsphär fir Privatpersounen. Si fuerdert méi Transparenz vum Staat, fräien Zougang zu Informatiounen a Bildung. Doriwwer eraus fuerdert se eng grondleeënd Reform vum Auteursrecht a Patentwiesen, an ass géint all Form vun Zensur. Den Haaptprinzip ass d'Basisdemokratie, déi all Member et erlaabt aktiv d'Zukunft vun der Partei mat ze bestëmmen. D'Piratepartei ass, wei déi meescht Parteien zu Lëtzebuerg, pro-europäesch ("Europa ouni Grenzen"). Si ass Member vun de Pirate Parties International, der Daachorganisatioun vun der internationaler Piratepartei-Bewegung, an ass bei internationale Konferenzen an Aktiounen derbäi.

D'Piratepartei Lëtzebuerg gouf de 4. Oktober 2009 an der Stad Lëtzebuerg vu 14 Interesséierte gegrënnt. Am Februar 2011 louch d'Zuel vun de Membere bei 90, Enn November 2011 bei 195, Januar 2012 bei 227, am September 2012 bei 285, am September 2013 bei 308, am Abrëll 2014 bei 331, an 360 am Oktober 2015 bei 360.

D'Partei huet bei de Chamberwale vum 20. Oktober 2013 eng éischt Kéier an alle véier Walbezierker kandidéiert, mä kee Sëtz kritt. 2,94 % vun de Stëmme sinn op d'Pirate gefall. Si huet och bei den Europawalen 2014 matgemaach, a krute 4,23 % vun de Stëmmen.

De President a Matgrënner Sven Clement ass gläichzäiteg Member an der Piratepartei Däitschland an an der Piratepartei Schwäiz. Vizepresident ass zanter Oktober 2015 de Sven Wohl. De Vizepresident bis 2012 Jerry Weyer war och vu Mäerz 2010 bis 2011 ee vun zwéi Kopresidente vun der Pirate Parties International (PPI). De Presidium vun der Piratepartei besteet aus 7 Memberen, déi all Joer gewielt ginn.

Den 11. Dezember 2011 hu sech Membere vun der Piratepartei Lëtzebuerg zesummegedoen an eng Jugendorganisatioun mam Numm Jonk Piraten gegrënnt.

Literatur[änneren | Quelltext änneren]

Henniqui, Anne, 2009. Piratepartei Lëtzebuerg / À l'abordage. D'Lëtzebuerger Land vum 8. Oktober 2009. Online-Archiv. (fr)
Kies, Raphaël, 2012. Le parti pirate / Le parti des jeunes combattants. D'Lëtzebuerger Land vum 13. Januar 2012, Rubrik Forum, S. 18-19. (fr)